ᖃᓄᖅ ᐊᑦᑕᓇᔾᔭᐃᖅᓯᒪᔪᓐᓇᕐᓂᕐᒥᑦ ᐃᒥᐊᓗᒃᑎᓪᓗᑎᑦ
ᐊᖏᓂᖅᓴᒥ ᐃᒥᐊᓗᖕᒥ ᐃᓄᐃᑦ ᐃᒥᕈᑎᒃ ᐊᑕᐅᓯᐊᕐᓗᑎᒃ, ᐋᓐᓂᕐᓂᖃᕈᓐᓇᕐᓂᖅᓴᐅᕗᑦ, ᐃᓱᒪᓕᐅᕆᑦᑎᐊᙱᓪᓗᑎᒃ ᐃᒻᒥᓂᒡᓗ ᐊᒃᑐᕐᓂᕐᓗᒃᑎᑦᑎᓗᑎᒃ ᐊᓯᒥᓐᓂᓪᓘᓐᓃᑦ. ᑕᐃᒃᑯᓄᖓ ᐃᒥᐊᓕᖕᒥᑦ ᐃᒥᕈᒪᔪᓄᑦ,ᐸᕐᓇᑦᑎᐊᖅᓯᒪᓗᑎᑦ ᐃᒥᐊᓗᓗᐊᕌᓗᙱᓐᓂᕐᒧᑦ ᒥᒃᖠᒋᐊᖅᑎᑦᑎᓂᕐᒥ ᐅᓗᕆᐊᓇᕐᓂᖓᓂ ᐊᒻᒪᓗ ᐊᑦᑕᓇᔾᔭᐃᖅᓯᒪᓗᓂ.
ᐃᑲᔪᕈᑎᒃᓴᓂᒃ ᒥᒃᖠᒋᐊᖅᑎᑦᑎᓂᕐᒧᑦ ᐅᓗᕆᐊᓇᕐᓂᖓᓂ ᐋᓐᓂᕐᓂᕐᒧᑦ ᐊᒻᒪᓗ ᐊᑦᑕᓇᔾᔭᐃᖅᓯᒪᒃᑲᓐᓂᕐᓂᕐᒧᑦ ᐊᑕᐅᓯᐊᕐᓗᓂ ᐃᒥᐊᓗᒃᑎᓪᓗᒋᑦ:
ᑭᒡᓕᖃᖅᑎᑦᑎᓗᑎᑦ ᐃᒥᖅᑕᕐᓂᑦ ᐊᑦᑎᒃᑐᒥ−ᐅᓗᕆᐊᓇᕐᓂᖓᓂ ᐃᒥᐊᓗᖕᒥ ᐃᒥᕐᓂᕐᒧᑦ ᒪᓕᒋᐊᓕᖕᓂᑦ. |
|
ᖃᐅᔨᒪᒋᐊᕐᓗᑎᑦ ᖃᓄᑎᒋ ᐃᒥᖃᑦᑕᕐᒪᖔᖅᐱᑦ ᐊᒻᒪ ᒪᕐᕉᒃ ᐅᖓᑖᓂᑦ ᐃᒥᖃᑦᑕᙱᓪᓗᑎᑦ ᐱᓇᓱᐊᕈᓯᕐᒥᑦ. |
|
ᐊᓯᔾᔨᖅᐸᒡᓗᑎᑦ ᐃᒪᑐᐃᓐᓇᕐᒧᑦ ᐃᒥᐊᓗᖃᙱᑦᑐᕐᒧᓪᓘᓐᓃᑦ ᐃᒥᕐᓂᐊᖅᑕᕐᓂᑦ ᐊᑯᓐᓂᖓᒍᑦ ᐃᒥᐊᓗᓕᖕᓂ ᐃᒥᖅᑕᕐᓂᑦ. |
|
ᓂᕆᓗᑎᑦ ᓯᕗᓂᐊᓂ ᐊᒻᒪᓗ ᐃᒥᐅᔮᕐᔪᒃᑎᓪᓗᑎᑦ. |
|
ᐅᔾᔨᖅᓱᖅᐸᓘᒋᑦ ᐱᖃᓐᓇᕆᔭᑎᑦ ᐃᓚᑎᓪᓗ ᐃᑲᔪᕐᓂᕐᒧᑦ ᐊᑦᑕᓇᔾᔭᐃᖅᓯᓂᖏᓐᓂ. |
|
ᐸᕐᓇᒡᓗᑎᑦ ᐊᑦᑕᓇᔾᔭᐃᖅᓯᒪᔪᒥᒃ ᐊᖏᕐᕋᕐᓂᕐᒧᑦ. ᑖᒃᓯᒥᒃ ᖃᐃᖁᔨᓗᑎᑦ ᐅᕝᕙᓘᓐᓃᑦ ᐱᖃᓐᓇᕆᔭᒧᑦ ᐊᐅᔭᐅᔪᒪᓗᑎᑦ. |
|
ᐅᔾᔨᖅᓱᑦᑎᐊᖅᐸᒡᓗᑎᑦ ᐃᒥᐊᓗᖕᒥ ᐃᒥᖅᑎᓪᓗᑎᑦ ᕿᕿᓐᓇᖅᑎᓪᓗᒍ ᓯᓚᒥᑦ. ᖃᐅᔨᒪᔪᒃᓴᐅᕗᑎᑦ ᐅᓗᕆᐊᓇᕐᓂᖏᓐᓂ ᓂᒡᓚᓱᕐᔪᐊᕐᓂᐅᔪᒥᑦ ᓯᓚᒥᒃ ᐅᑭᐅᖅᑕᖅᑐᒥᑦ, ᑭᓯᐊᓂ ᐃᖅᑲᐅᒪᒋᑦ ᐃᒥᐊᓗᒃ ᐊᑦᑎᒃᓯᒋᐊᖅᓯᕙᖕᓂᖓᓂ ᐱᔪᓐᓇᕐᓂᕐᓂ ᐃᓱᒪᓕᐅᑦᑎᐊᕆᓂᕐᒧᑦ ᐊᒻᒪᓗ ᐅᓗᕆᐊᓇᖅᑐᓂᒃ ᐊᑐᑐᐃᓐᓇᕆᐊᖃᖅᐳᑎᑦ ᐊᑐᕋᔭᒐᔪᙱᑕᕐᓂᑦ. |
|
ᐃᒥᕈᕕᑦ ᐃᒥᐊᓗᖕᒥᑦ, ᐊᖁᑦᑕᐃᓕᒋᑦ ᖃᓄᐃᑦᑐᑐᐃᓐᓇᕐᒥ ᐃᖏᕐᕋᔾᔪᑎᒥᒃ (ᑎᓴᒪᓕᒃ, ᓯᑭᑑᖅ, ᐅᒥᐊᖅ), ᐊᒻᒪᓗ ᐃᑭᒪᙱᓪᓗᑎᑦ ᑭᓇᑐᐃᓐᓇᒥᒃ ᐃᒥᖅᓯᒪᔪᒥᑦ. |
|
ᑲᑎᑦᑎᙱᓪᓗᒋᑦ ᐃᒥᐊᓗᒃ ᓘᒃᑖᒥᙶᖅᑐᒥ ᐃᓅᓕᓴᐅᑎᓂᒃ ᐋᖓᔮᕐᓇᖅᑐᓂᓪᓘᓐᓃᑦ. ᐃᒥᐊᓗᒃ ᐃᓅᓕᓴᐅᑎᓂᒃ ᐊᑑᑎᖃᙱᓐᓂᖅᓴᐅᑎᑦᑎᔪᓐᓇᖅᐳᑦ ᓴᙱᒃᑎᑦᑎᓗᐊᕐᓗᑎᒡᓘᓐᓃᑦ, ᐊᒻᒪᓗ ᐱᑎᑦᑎᓗᓂ ᐱᒻᓚᕆᐅᔪᒥ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ. |
|
ᐃᒥᖅᑕᐃᓕᒋᑦ ᐱᕐᕈᓗᐊᕿᓂᖃᑐᐃᓐᓇᕆᐊᖃᖅᑎᓪᓗᒍ ᐅᕝᕙᓘᓐᓃᑦ ᐋᓐᓂᕐᓂᕐᓄᑦ, ᓲᕐᓗ ᐊᑐᕐᓗᓂ ᐊᐅᓚᐅᑎᓕᖕᓂ ᓴᓇᕐᕈᑎᓂᓪᓘᓐᓃᑦ, ᐅᕝᕙᓘᓐᓃᑦ ᓄᓇᒦᑎᓪᓗᑎᑦ. |
|
ᐱᙳᐊᖅᐸᙱᓪᓗᑎᑦ ᐃᒥᕐᓂᕐᒧᑦ ᐱᙳᐊᕐᓂᐅᔪᓂ “ᐃᒥᐊᓚᓂᖃᖅᑐᓂᑦ”. |
|
ᐊᖑᒻᒪᑎᓇᓱᙱᓪᓗᑎᑦ “ᐃᒥᖅᑕᐅᔪᒥᒃ ᐃᒥᖅᑕᐅᔪᒧᑦ” ᐱᖃᓐᓇᕆᔭᕐᓂᑦ. |
ᓇᕿᓪᓗᒍ ᐅᕘᓇ ᐅᖃᐅᓯᒃᓴᓄᑦ ᖃᖓ 0−ᒥ ᐃᒥᕐᓂᕐᒧᑦ ᐊᑦᑕᓇᙱᓛᖑᓂᖓᓂ.
ᐃᕝᕕᑦ ᐊᓯᖕᓂᓪᓘᓐᓃᑦ ᖃᐅᔨᒪᔭᖃᕈᕕᑦ ᐊᒃᓱᕉᑎᖃᖅᑐᒥ ᐃᒥᐊᓗᖕᒧᑦ, ᐅᖃᖃᑎᖃᕐᓗᑎᑦ ᐱᖃᓐᓇᕆᔭᕐᓄᑦ, ᐃᓚᒋᔭᕐᓄᑦ, ᐃᓅᓯᓕᕆᔨᒧᑦ, ᐃᓄᑐᖃᕐᒧᓪᓘᓐᓃᑦ ᐊᑑᑎᒋᔭᕐᓄᑦ ᒥᒃᓵᓄᑦ. ᐃᑲᔪᖅᑕᐅᒃᑲᓐᓂᕐᓂᕐᒧᑦ ᓇᕿᒍᒃ ᐅᕘᓇ.