Qayangnaqtumik nuliarniqmut piyut
Imiinaqniqlu pipkaidjutittaaqtuq ukuninnga qayangnaqtuq unalu qayangnaqtumik nuliarniqmut piyut. Piyagangata inuit imiqpallaqni, aktualaqtai ihumaliuqnit, tamnatut atungitni puut. Una pipkaqtai angitqiyamik hivuganaqni ivaniqmun tunittaqni aaniagutit hingaiyangurniqlu hannaiqhimaititlutit.
Hapuhimaittumik ivaniq pityutaulaq ivaniqmun tuniyauni aaniagutit (STI-ngi) tamnatut:
- Hiamitiqtaaqtut STI-ngit (chlamydia-mik, gonorrhea-mik, syphilis-mik)
- Aaniarutilgit STI-ngit (HIV-nik, HPV-nik, hepatitis B-nik, herpes-nik)
- Qupilrulgit STI-ngit (trichomonas-nik, kumat uvinimi hiamitiqtut kukuknaqpiaqtumik, tingiqmi kumat)
Nunavut piqaliqtuq syphilis-mik nampanga amigaitqiaq 15nik kaanatap nampanganit. Naunaiqtauyuq 2013mi pingahunit hitamanit syphilis-mik aaniarutit Nunavunmi piyuq imiqmit unalu/unaluuniit aangayaarnaqtunik atuqtunit. Unalu, imiinaqtut HIV-qalirniaqtut. Atuinnarumi aaniarutailigiami nuliarumik akhuurutauyuq hiamitiqtailigiami syphilis-mik aadlallu nuliarniqmut pipkaiyut aaniarutingit.
Hulivalliq, ivaniq ilaqalaq puqtuyumik puqtunia hivuganarniq angiyumik imirlukmik aturniq ilauyagangat. Angiqatigikniq kitunikliqak ivaniqmun huliniq piyalik ihumamiqluni angiqhimaniqlu pilaittuq kinaliqak imingayagangat nalukhihimayuqluniit. Piyagangat inuk akhuqhuni piyumangittumun ivaniqmun huliniq ahianut inungmut angiqtauhimaittumik, akhuqhugu iqhitaqhuguluniit, una ivaniq pittiangitniq ihuinarniuyuqlu.
Naunairyuumirumaguvit, pulaarlugu munarhitkut takuluguluuniit uumani www.irespectmyself.ca.