1. ᓱᓕᓂᐅᔪᑦ
  2. ᐊᐱᕆᔭᐅᒐᔪᒃᑐᑦ ᐊᐱᖅᑯᑎᑦ

ᐊᐱᕆᔭᐅᒐᔪᒃᑐᑦ ᐊᐱᖅᑯᑎᑦ

ᐅᕙᓂ ᓇᓂᓯᓂᐊᖅᐳᑎᑦ ᐊᐱᖅᑯᑕᐅᒐᔪᒃᑐᓂ ᐊᒻᒪᓗ ᑭᐅᔾᔪᑎᓂᒃ ᑲᒪᒋᔭᖃᑦᑎᐊᖅᑐᒥ ᐃᒥᐊᓗᖕᒥ ᐊᑐᕐᓂᕐᒧᑦ.

ᐄ, ᐃᒥᐊᓗᒃ ᐊᒃᓱᐊᓗᒃ ᐅᐃᕆᓐᓇᖅᐳᖅ.

ᐃᓄᐃᑦ ᐃᒥᐊᓗᖕᒧᑦ ᐅᐃᕆᓯᒪᓂᖃᖅᑐᑦ ᐊᔪᕈᑎᖃᕋᔭᖅᐳᑦ ᐃᒻᒥᖕᓂᒃ ᓄᖅᑲᕋᓱᐊᕐᓂᕐᒧᑦ, ᓄᖅᑲᕈᒪᒐᓗᐊᖅᑎᓪᓗᒋᑦ. ᐃᓄᐃᑦ ᐸᕐᓇᒃᐸᙱᓚᑦ ᐅᐃᕆᓯᒪᓕᕐᓂᕐᒧᑦ. ᐅᒃᐱᕈᓱᒃᐳᑦ ᐊᐅᓚᑦᑎᔪᓐᓇᕐᓂᖏᓐᓂ ᖃᓄᑎᒋ ᐊᒻᒪᓗ ᖃᖓᒃᑯᑦ ᐃᒥᕈᓐᓇᕐᓂᖏᓐᓂ. ᑭᓯᐊᓂ ᐃᒥᐊᓗᒃ ᐊᓯᔾᔩᓲᖑᕗᖅ ᖃᕋᓴᒥᒃ, ᐊᒻᒪᓗ ᐃᓚᖏᑦ ᐃᓄᐃᑦ ᐱᔭᕆᐊᖃᓕᓲᖑᕗᑦ ᖃᓄᐃᙱᑦᑐᒥᒃ ᐃᒃᐱᒍᓱᖕᓂᕐᒧᑦ. ᑭᓇᑐᐃᓐᓇᖅ ᐅᐃᕆᓯᒪᓂᖃᕈᓐᓇᖅᐳᖅ ᐃᒥᐊᓗᖕᒧᑦ ᑎᒥᒃᑯᑦ ᐱᔭᕆᐊᖃᖅᑑᔮᕈᑎᒃ ᐃᒥᕆᐊᖃᕐᓂᕐᒧᑦ ᓄᖅᑲᖅᓯᒪᓕᕌᖓᑕ. ᐅᕝᕙᓘᓐᓃᑦ ᐅᐃᕆᓯᒪᓂᖃᕈᓐᓇᖅᐳᑦ ᓄᖅᑲᓚᐅᑲᒡᓗᑎᒃ ᐃᒥᕐᓂᕐᒥᑦ ᕿᓚᒻᒥᐅᔪᒃᑯᑦ ᐊᒻᒪᓗ ᐃᒃᐱᒍᓱᒃᐸᒡᓗᑎᒃ ᓯᕘᕋᓂᕐᒥᑦ, ᓂᑲᓪᓗᖓᓂᕐᒥᑦ ᓂᙵᐅᒪᓗᑎᒡᓘᓐᓃᑦ. ᐃᒥᐊᓗᖕᒧᑦ ᐅᐃᕆᓯᒪᓂᖃᖅᑐᑦ ᐊᒃᑐᐃᓂᖃᕈᓐᓇᖅᐳᑦ ᓇᐅᒃᑯᓕᒫᑦᑎᐊᖅ ᐃᓅᑉ ᐃᓅᓯᖓᓐᓂ ᐊᒻᒪᓗ ᐱᑎᑦᑎᓗᓂ ᐱᓪᓚᕆᐅᔪᓂᒃ ᐊᑲᐅᙱᓕᐅᕈᑕᐅᔪᓂ ᐱᖃᓐᓇᕆᔭᕐᓄᑦ ᐊᒻᒪᓗ ᐃᓚᒌᓄᑦ, ᐃᖅᑲᓇᐃᔮᒧᑦ, ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᑮᓴᐅᔭᓄᑦ ᐊᒻᒪᓗ ᒪᓕᒐᕐᓄᑦ.

ᐃᒥᐊᓗᒃ ᓄᒫᑦᑕᒍᑕᐅᕗᖅ ᐅᕝᕙᓘᓐᓃᑦ ᑲᑕᒃᓴᐅᑕᐅᕗᖅ, ᓱᒃᑲᐃᒃᑎᒋᐊᖅᑎᑦᑎᓲᖑᕗᖅ ᖃᕋᓴᕕᑦ ᐃᓚᖓᓐᓂ. ᒥᑭᑦᑑᑕᐅᓈᕐᓗᒋᑦ, ᐃᓕᖕᓂᑦ ᖃᓱᖏᑎᑦᑎᔪᓐᓇᖅᐳᖅ ᐅᕝᕙᓘᓐᓃᑦ ᖃᓄᐃᓕᐅᕈᓘᔭᕈᓐᓇᕐᓂᕐᒧᑦ. ᑭᓯᐊᓂ ᐃᒥᓗᐊᕈᕕᑦ ᓱᒃᑲᐃᒃᑎᑦᑎᒋᐊᓲᖑᕗᖅ ᐅᐸᓗᖓᐃᔭᕈᓐᓇᕐᓂᕐᓂ ᐊᒻᒪᓗ ᐊᔪᕐᓇᖅᑎᑦᑎᒃᑲᓐᓂᖅᖢᓂ ᐃᓱᒪᑦᑎᐊᕈᓐᓇᕐᓂᕐᒧᑦ, ᐃᓱᒪᓕᐅᕆᑦᑎᐊᕐᓂᕐᒧᑦ, ᐊᒻᒪᓗ ᑐᕌᖅᑎᑦᑎᔪᓐᓇᖅᐳᖅ ᐱᕐᕈᓗᐊᕿᓂᐅᔪᓂᒃ, ᐅᓇᑕᕐᓂᕐᒥᑦ, ᐃᖅᑯᒻᒪᕈᓐᓇᐃᓪᓕᓂᕐᒧᑦ ᑐᖁᒧᓪᓘᓐᓃᑦ. 

ᐋᒃᑲ, ᐊᑦᑕᕐᓇᙱᓐᓂᖅᓴᑦ ᐃᒥᐊᓗᖕᒧᑦ ᖃᐅᔨᒪᔾᔪᑎᑦ ᐊᔾᔨᑐᐃᓐᓇᑦᑎᐊᖏᑦ ᐊᕐᓇᐅᒐᓗᐊᖅᐸᑕ ᐊᖑᑕᐅᒐᓗᐊᖅᐸᑕ, ᑭᓯᐊᓂ, ᐊᖑᑎᑦ ᐊᒻᒪ ᐊᕐᓇᐃᑦ ᑎᒥᖏᑦ ᐊᒃᑐᖅᑕᐅᓲᖑᕗᑦ ᐊᔾᔨᒌᙱᖦᖢᑎᒃ ᐃᒥᐊᓗᖕᒧᑦ. ᐊᕐᓇᐃᑦ ᐊᑦᑕᕐᓇᕐᓂᕐᓴᒦᑉᐳᑦ ᖃᓄᐃᑦᑐᓂ ᐃᒥᐊᓗᖕᒧᑦ ᖃᓂᒻᒪᓯᖕᓄᑦ ᓲᕐᓗ ᐃᕕᐊᖏᒃᑯᑦ ᐋᓐᓂᐊᓂ, ᐆᒻᒪᓯᕆᓂᖕᓂᑦ, ᓱᑲᖃᓗᐊᕐᓂᖕᓂᑦ ᐊᐅᒃᑯᑦ, ᑎᖑᒃᑯᑦ ᐋᓐᓂᐊᓂᑦ ᐊᐅᑉ ᖁᕝᕙᓯᓗᐊᕐᓂᖕᓂᑦ. ᐅᑯᓂᖓ ᐱᔾᔪᑎᖃᑐᐃᓐᓇᕆᐊᓕᒃ:

  1. ᐊᕐᓇᐃᑦ ᐊᑦᑎᖕᓂᕐᓴᓂᑦ ᐱᖃᖅᑐᑦ ᐃᒥᐊᓗᖕᒥᑦ ᓱᕋᓲᑦ, ᐊᑯᓂᐅᓂᕐᓴᖅ ᑎᒥᖏᓐᓃᑉᐸᒃᐳᑦ.
  2. ᐊᕐᓇᐃᑦ ᐃᒪᑭᓐᓂᕐᓴᐅᖕᒪᑕ ᑎᒥᖏᓐᓂᑦ ᓱᕋᒃᓯᓂᐊᕐᓗᑎᒃ ᐃᒥᐊᓗᖕᒥᑦ.
  3. ᐊᕐᓇᐃᑦ ᖁᐃᓂᓂᖅᓴᐅᓲᑦ, ᑐᑭᖃᖅᑐᖅ ᐃᒥᐊᓗᒃ ᐊᑯᓂᐅᓂᖅᓴᐅᓲᖅ ᑎᒥᖏᓐᓃᓲᑦ.
  4. ᐊᕐᓇᐃᑦ ᐅᕿᓐᓂᖅᓯᐅᕐᓂᖅᓴᐅᓲᑦ ᐊᖑᑎᓂᑦ, ᐃᓄᐃᓪᓗ ᐅᕿᓐᓂᖅᓴᐅᔪᑦ ᐊᐅᖏᑦ ᐃᒥᐊᓗᖃᑦᑕᕐᓂᖅᓴᐅᔪᓂᑦ ᑕᒪᒃᑯᓇᙵᑦ ᐅᕿᙱᓐᓂᖅᓯᐅᕐᓂᖅᓴᐅᔪᓂᑦ.

ᑭᐅᔾᔪᑎᖓ: ᐄ. ᐱᐊ, ᕙᐃᓂ ᐊᒻᒪᓗ ᓴᙱᔪᑦ ᐃᒥᐊᓗᐃᑦ ᐃᓗᓕᖃᕐᔪᐊᖅᐳᑦ ᓱᑲᕐᒥᑦ. ᐃᒥᖅᖢᓂ ᐊᑕᐅᓯᕐᒧ ᐅᖓᑖᓄᓪᓗ ᐃᒥᐊᓗᓕᖕᒥ ᐃᕐᙳᓯᒥᒃ ᖃᐅᑕᒫᐸᓗᖕᒥ ᐃᓚᓯᔪᓐᓇᖅᐳᖅ ᖁᐃᒃᑎᓐᓇᖅᑐᓂᒃ ᓂᕆᐅᓯᖕᓄᑦ ᐊᒻᒪᓗ ᐱᔪᒪᙱᑕᒥᒃ ᖁᐃᒃᑎᑉᐹᓪᓕᖅᑎᑦᑎᔪᓐᓇᖅᐳᖅ. ᓴᓗᒃᑎᓴᕈᒪᔪᖃᖅᐸᑦ, ᑲᑦᑐᖅᐹᓪᓕᓪᓗᐊᖅᑐᑦ ᖃᓄᑎᒋ ᐃᒥᐊᓗᖕᒥ ᐃᒥᖅᐸᒃᑕᖏᓐᓂᑦ.

ᐃᓄᐃᑦ ᐃᒥᐊᓗᖕᒥ ᐃᒥᖅᐸᙱᑦᑐᑦ ᐃᒥᖃᑦᑕᓕᓪᓗᐊᙱᓚᑦ ᐱᓇᓱᑐᐃᓐᓇᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᕚᓪᓕᕈᑎᓂᒃ. ᐱᐅᓂᖅᓴᐅᔪᑦ ᓂᕿᑦᑎᐊᕙᖕᓂ ᓂᕆᓂᖏᓐᓂ, ᐃᖃᐃᓕᓴᒐᔪᒃᐸᒡᓗᑎᒃ ᐊᒻᒪᓗ ᓱᐴᖅᑐᖅᑕᐃᓕᒪᕙᒡᓗᑎᒃ.

ᑭᓯᐊᓂ, ᐃᓄᐃᑦ ᐃᒥᐊᓗᖕᒥ ᐃᒥᖅᐸᒃᑐᑦ ᐃᓛᓐᓂᓚᐅᓱᖓᖅ ᐊᒻᒪᓗ ᒥᑭᑦᑑᑕᐅᓂᐅᔪᓂᒃ ᐊᑐᕐᓂᖃᕈᓐᓇᖅᐳᑦ ᒥᑭᑦᑐᒻᒪᕆᑯᓗᖕᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᕚᓪᓕᕈᑎᓂᒃ, ᓲᕐᓗ ᒥᒃᖠᒋᐊᖅᑐᒥᒃ ᐆᒻᒪᑎᒧᑦ ᐋᓐᓂᐊᕐᓇᒥᒃ ᐊᒻᒪᓗ ᖃᓄᐃᑦᑑᓂᖓᓂ ᒪᕐᕈᖓᓐᓂ ᑎᒥᒥᒃ ᓱᑲᖃᓗᐊᕐᓂᐅᔪᒧᑦ. ᑭᓯᐊᓂ ᐃᒥᖃᑦᑕᓕᕐᓂᖅ ᐅᕝᕙᓘᓐᓃᑦ ᐊᖏᒡᓕᒋᐊᖅᓯᓂᐅᔪᒥᒃ ᐃᒥᕐᓂᕐᒥᑦ ᐱᐅᓯᒋᐊᖅᑎᑦᑎᔾᔮᙱᓚᖅ ᐋᓐᓂᐊᖃᕐᓂᕐᓂᑦ. ᐱᔾᔪᑎᖃᖅᐳᖅ ᐆᒧᖓ:

  • ᐃᓄᐃᑦ ᑭᓯᐊᓂ ᐅᑭᐅᓖᑦ 45 ᐅᖓᑖᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᕚᓪᓕᕈᑎᖃᕈᓐᓇᖅᐳᑦ ᒥᑭᑦᑐᑯᓗᖕᒥ ᐃᒥᐊᓗᖕᒥᑦ. ᐱᑕᖃᑐᐃᓐᓇᕆᐊᓕᖕᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᕚᓪᓕᕈᑎᒥᒃ ᐊᑑᑎᖃᙱᓚᖅ ᒪᒃᑯᒃᑐᓄᑦ ᐅᕝᕙᓘᓐᓃᑦ ᒪᒃᑯᒃᑐᓄᑦ ᐃᓐᓇᕐᓄᑦ.
  • ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᕚᓪᓕᕈᑎᑦ ᐊᓯᐅᕗᑦ ᐃᒥᕈᕕᑦ ᐅᖓᑖᓄᑦ ᐊᑦᑎᒃᑐᒥ−ᐅᓗᕆᐊᓇᕐᓂᖓᓂ ᐃᒥᐊᓗᖕᒧᑦ ᒪᓕᒋᐊᓕᖏᓐᓂ ᐊᑕᐅᓰᑐᐃᓐᓇᕐᓗᑎᑦ ᐊᒻᒪᓗ ᐊᑯᓂᐅᔪᒥᒃ.
  • ᐅᓗᕆᐊᓇᕐᓂᕐᒦᓐᓂᕐᓂ ᖃᓄᐃᑦᑐᑐᐃᓐᓇᕐᒥ ᑳᓐᓱᑖᕐᓂᕐᒧᑦ ᐊᖏᒡᓕᒋᐊᓲᖑᕗᖅ ᐃᒥᕌᖓᕕᑦ ᒥᑭᑎᒋᔪᒥᒃ ᐊᑕᐅᓯᕐᒥ ᐃᒥᕐᓂᐅᔪᒥᒃ ᐅᓪᓗᑕᒫᒥᑦ, ᐊᒻᒪᓗ ᑕᒪᓐᓇ ᓱᓕᓗᐊᖅᐳᖅ ᐊᕐᓇᓄᑦ.

ᐅᓗᕆᐊᓇᕐᓂᖓ ᐃᒥᐊᓗᖕᒧᑦ−ᐱᔾᔪᑕᐅᔪᓄᑦ ᐋᓐᓂᕐᓂᐅᔪᓂᒃ ᐊᖏᒡᓕᒋᐊᓲᖑᕗᖅ ᐊᑐᓂ ᐃᒥᖅᑕᒥᒃ. ᐱᓇᓱᐊᕈᓯᑕᒫᒥ ᑭᒡᓕᐅᔪᖅ ᐱᓇᓱᐊᕈᓯᐅᕗᖅ, ᐊᒻᒪᓗ ᖃᐅᑕᒫᒥ ᑭᒡᓕᐅᔪᖅ ᖃᐅᑕᒫᖑᕗᖅ. ᐱᓇᓱᐊᕈᓯᑕᒫᒥ ᐊᖏᓂᖓ ᐃᒥᐊᓗᖕᒥ “ᑲᑎᖅᓱᖅᑕᐅᓪᓗᐊᙱᓚᖅ” ᐊᒻᒪᓗ ᐃᒥᖅᑕᐅᓗᓂ ᐊᑕᐅᑦᑎᒃᑯᑦ ᐅᓪᓗᕐᒥ ᐊᑕᐅᓯᕐᒥ ᒪᕐᕉᖕᓄᓪᓘᓐᓃᑦ. ᐃᒥᕐᔪᐊᖃᑦᑕᕈᕕᓪᓘᓐᓃᑦ ᐃᓛᓐᓂᓚᐅᓱᖓᕐᒥ, ᐊᖏᒡᓕᒋᐊᖅᑎᑦᑎᓲᖑᕗᖅ ᐅᓗᕆᐊᓇᕐᓂᐅᔪᒥᒃ ᐋᓐᓂᕐᓂᕐᒧᑦ ᐊᒻᒪᓗ ᐊᑯᓂᐅᔪᒃᑯᑦ ᐋᓐᓂᐊᖃᕐᓇᕐᓂᕐᒧᑦ ᐊᑲᐅᙱᓕᐅᕈᑕᐅᔪᓂᒃ.

ᐊᕿᐊᕈᕐᒥᐅᑕᖃᕐᓗᓂ ᓂᕿᒥᒃ ᑭᖑᕙᕆᐊᖅᑎᑦᑎᑐᐃᓐᓇᖅᐳᖅ ᐃᔅᓴᖕᓂᐊᕐᓂᖓᓂ ᐃᒥᐊᓗᖕᒥ ᐊᐅᑉ ᐃᖏᕐᕋᓂᖓᓄᑦ. ᐊᕿᐊᑦᑐᓱᒃᑐᒥ ᐊᕿᐊᕈᕐᒥ ᓄᖅᑲᖅᑎᑦᑎᔾᔮᙱᑦᑐᖅ ᐃᒃᐱᒍᓱᖕᓂᕐᒥᑦ ᐊᒃᑐᐃᓂᖓᓂ ᐃᒥᐊᓗᖕᒥᑦ ᐅᕝᕙᓘᓐᓃᑦ ᐋᖓᔾᔭᖕᓂᕐᒧᑦ.

 ᐋᒃᑲ. ᑕᐃᒪᓐᓇᑎᒋ ᐊᖏᓂᖓᓂ ᐃᒥᐊᓗᖕᓂ ᐅᑯᓇᓃᑉᐳᑦ ᑕᒪᒃᑭᓂᑦ ᐃᒥᐊᓗᖕᓂᑦ:

  • ᐊᑕᐅᓯᖅ ᐃᐳᑦ/ᐊᓕᒍᖅ ᐱᐊᒥᒃ (340 ml/12 oz. 5 ᐳᓴᓐᑎᒥᒃ ᐃᒥᐊᓗᓕᖕᒥᑦ)
  • ᐊᑕᐃᓯᖅ ᐊᓕᒍᖅ ᓴᐃᑐᕐ/ᑰᓚ (340 ml/12 oz. 5%−ᒥ ᐃᒥᐊᓗᓕᖕᒥ)
  • ᐊᑕᐅᓯᒻ ᐊᓕᒍᖅ ᕙᐃᓂᒥᒃ (142 ml/5 oz. at 12 ᐳᓴᓐᑎᒥᒃ ᐃᒥᐊᓗᓕᖕᒥᑦ)
  • ᐊᑕᐅᓯᕐᒥ ᐃᒥᕐᓂᐅᔪᒥᒃ ᓴᙱᔪᒥᒃ ᐃᒥᐊᓗᖕᒥᑦ ᓲᕐᓗ ᕚᑦᑲᒥᒃ (43 ml/1.5 oz. 40 ᐳᓴᓐᑎᒥᒃ ᐃᒥᐊᓗᓕᖕᒥᑦ).

ᐊᑐᓂ ᐅᑯᓇᙵᑦ ᐃᓱᒪᒋᔭᐅᕗᑦ ᐊᑕᐅᓯᖅ ᐃᒥᐊᓗᒃᑕᐅᒐᔪᒃᑐᖅ.

ᕿᒪᐃᕙᙱᑦᑎᐊᕐᓗᑎᒃ ᐃᓄᖕᒥ ᐃᓄᑑᓗᓂ ᖃᐅᔨᒪᔪᓐᓃᖅᓯᒪᔪᒧᑦ ᐃᒥᓗᐊᕐᓂᑯᒥᒃ ᑭᐅᔪᓐᓇᙱᑦᑐᒧᓪᓗ. ᐊᒃᓴᑳᖅᑎᓪᓗᒍ ᐃᓄᒃ ᓴᓂᕋᖓᓄᑦ ᑐᐱᔾᔮᙱᒻᒪᑕ ᒥᕆᐊᕈᑎᒃ. ᓂᐊᖁᖓ ᐃᓕᓗᒍ ᓴᓂᕌᓄᑦᑕᐅᖅ, ᐊᒻᒪᓗ ᑕᐃᒪᐃᓕᖓᑏᓐᓇᕐᓗᒍ ᑭᓯᐊᓂ ᐃᑲᔪᕆᐊᖅᑐᑦ ᑎᑭᑉᐸᑕ. ᐃᕐᙲᓐᓇᑲᐅᑎᒋ ᐃᑲᔪᖅᑕᐅᔪᒪᓗᑎᑦ ᐅᖃᓗᒡᕕᒋᓗᒋᑦ ᐋᓐᓂᐊᕕᒃ/ᐃᓗᐊᖅᓴᐃᔨ ᐃᖅᑲᓇᐃᔭᖅᑐᒧᑦ, ᐋᓐᓂᐊᕕᓕᐊᕈᑎᓗᒋᓪᓘᓐᓃᑦ. ᓇᕿᒍᒃ ᐅᕘᓇ ᖃᐅᔨᒋᐊᒃᑲᓐᓂᕐᓂᕐᒧᑦ ᐅᖃᐅᓯᒃᓴᓂᑦ.

ᓱᓕᓂᐅᔪᖅ ᐱᑕᖃᙱᑦᑐᖅ ᓱᓐᓂᐅᒪᔪᓐᓃᖅᑎᑦᑎᓴᕋᐃᓐᓂᕐᒧᑦ ᓱᒃᑲᓂᖅᓴᒥᒃ. ᐊᑯᓂᐅᔪᒥᒃ ᓱᓐᓂᐅᒪᔪᓐᓃᖅᑎᑦᑎᓂᐊᖅᐳᖅ. ᑕᐃᒫᒃ ᐱᒻᒪᕆᐅᕗᖅ ᐅᔾᔨᕈᓱᖕᓂᕐᒥᑦ ᖃᓄᑎᒋ ᐃᒥᕐᓂᕐᓄᑦ. ᐊᑯᓂᐅᓂᖅᓴᒥᒃ ᐊᑕᐅᓯᕐᒥ ᐃᑲᕐᕋᒥᒃ ᑎᒥᖕᓄᑦ ᓱᕋᑦᑎᔪᓐᓇᕐᓂᖓᓂ ᐊᑕᐅᓯᕐᒥ ᐃᒥᐊᓗᒃᑕᐅᒐᔪᒃᑐᒥᑦ ᐃᒥᐊᓗᖕᒥᑦ. ᐃᖅᑲᐅᒪᒋᑦ ᑳᐱ ᐆᒻᒪᕆᒃᓴᐅᑎᐅᖕᒪᑦ ᐊᒻᒪᓗ ᐃᖅᑲᒪᑎᑦᑎᔪᓐᓇᖅᐳᖅ, ᑭᓯᐊᓂ ᐃᓕᖕᓂᒃ ᓱᓐᓂᐅᒪᔪᓐᓃᖅᑎᑦᑎᔾᔮᙱᑦᑐᖅ.

ᐃᒻᒪᖄ ᐋᒃᑲ. ᐃᒥᐊᓗᒃ ᐃᑲᔪᕈᓐᓇᖅᐳᖅ ᓯᓂᓕᕐᓂᕐᒧᑦ, ᑭᓯᐊᓂ ᐊᒃᑐᐃᓂᖃᖅᐳᖅ ᐱᐅᓂᖓᓂ ᓯᓂᖕᓂᕐᓂᑦ ᐊᒻᒪᓗ ᒥᒃᖠᒋᐊᖅᑎᑦᑎᓪᓗᓂ ᓯᓂᑦᑎᐊᕐᓂᕆᓇᔭᖅᑕᕐᓂᑦ.

ᐊᑦᑎᒃᑐᒥ−ᐅᓗᕆᐊᓇᕐᓂᖓᓂ ᐃᒥᐊᓗᖕᒥ ᐃᒥᕐᓂᕐᒧᑦ ᒪᓕᒋᐊᓖᑦ ᐊᔾᔨᒌᙱᑦᑐᑦ ᐊᖑᑎᓄᑦ ᐊᒻᒪ ᐊᕐᓇᓄᑦ. ᐊᕐᓇᐃᑦ ᐊᖏᓂᖅᓴᒥᒃ ᐅᓗᕆᐊᓇᕐᓂᖃᕐᓂᖅᓴᐅᕗᑦ ᐃᒥᐊᓗᖕᒧᑦ−ᐱᔾᔪᑕᐅᔪᓄᑦ ᐋᓐᓂᐊᓂᒃ ᓲᕐᓗ ᐃᕕᐊᖏᒃᑯᑦ ᑳᓐᓱᒥᒃ, ᓄᑮᖅᑎᓂᕐᒥ, ᑎᒥᒃᑯᑦ ᓱᑲᖃᓗᐊᕐᓂᕐᒥ, ᑎᖑᒃᑯᑦ ᐋᓐᓂᐊᖃᕐᓂᕐᒥ ᐊᒻᒪ ᖁᑦᑎᒃᑐᒥ ᐊᐅᑉ ᓯᖑᔭᕐᓂᖓᓂ. ᐱᔾᔪᑕᐅᓪᓗᐊᑕᑐᑦ ᑖᔅᓱᒧᖓ ᑖᒃᑯᐊᖑᕗᑦ:

  1. ᐊᕐᓇᐃᑦ ᐊᑦᑎᓂᖅᓴᒥ ᓯᖁᓪᓗᐃᔨᖃᕐᒪᑕ ᓱᕋᑦᑎᕆᕙᒃᑐᓂ ᐃᒥᐊᓗᖕᒥᑦ, ᑕᐃᒪᐃᓐᓂᖓᓄᑦ ᑎᒥᖓᓃᑯᑖᕐᓂᖅᓴᐅᓲᖅ;
  2. ᐊᕐᓇᐃᑦ ᐃᒪᖃᙱᓐᓂᖅᓴᐅᖕᒪᑕ ᑎᒥᖓᓐᓂ ᐃᔅᓴᒃᓯᓂᖓᓄᑦ ᐃᒥᐊᓗᖕᒥᑦ;
  3. ᐊᕐᓇᐃᑦ ᐅᖅᓱᖃᕐᓂᖅᓴᐅᔪᑦ, ᑕᐃᒪᐃᓐᓂᖏᓐᓄᑦ ᐃᒥᐊᓗᒃ ᑎᒥᖏᓐᓃᑯᑖᕐᓂᖅᓴᐅᓲᖅ;
  4. ᐊᕐᓇᐃᑦ ᐅᕿᓐᓂᖅᓴᐅᒐᔪᖕᒪᑕ ᐊᖑᑎᓂ, ᐊᒻᒪ ᐃᓄᐃᑦ ᐅᕿᓐᓂᖅᓴᐅᔪᑦ ᑎᑭᐅᑎᓲᑦ ᖁᑦᑎᓂᖅᓴᒥ ᐊᐅᑉ ᐃᒥᐊᓗᓕᖕᒥ ᑭᒡᓕᖓᓄᑦ ᑕᐃᒃᑯᓂᖓ ᐅᖁᒪᐃᓐᓂᖅᓴᐅᔪᓂ.