ᖃᐅᔨᒪᒍᒃ ᑭᒡᓕᖃᕐᓂᕆᔭᑎᑦ
ᐊᒥᓱᓄᑦ ᓄᓇᕗᒻᒥᐅᓄᑦ, ᑲᒪᑦᑎᐊᖅᑐᒥᒃ ᐃᒥᐊᓗᖕᒥ ᐊᑐᕐᓂᕐᒥᑦ ᑲᑎᙵᓂᖃᖅᐳᖅ ᐱᐅᔪᓂᒃ ᐊᑐᖅᑕᐅᓂᑯᓂ, ᓲᕐᓗ ᖁᕕᐊᓲᑎᖃᕐᓂᕐᒧᑦ, ᓂᕆᖃᑎᖃᕐᓂᕐᒧᑦ ᐱᖃᓐᓇᕆᔭᒥᓂᑦ ᐊᒻᒪᓗ ᐃᓚᖏᓐᓂ, ᐊᒻᒪᓗ ᐃᓛᓐᓂᒃᑯᑦ ᕿᑲᑐᐃᓐᓇᕐᓂᕐᒧᑦ. ᑭᓯᐊᓂ, ᐃᓄᐃᑦ ᐃᒥᐊᓗᓗᐊᖅᑎᓪᓗᒋᑦ, ᐱᑎᑦᑎᔪᓐᓇᖅᐳᑦ ᐊᒥᓱᓂ ᐋᓐᓂᐊᖃᕐᓇᕐᓂᕐᒧᑦ ᐊᒻᒪᓗ ᐃᓅᖃᑎᒌᖕᓂᕐᒧᑦ ᐊᑲᐅᙱᓕᐅᕈᑕᐅᔪᓂᑦ.
ᐃᒥᐊᓗᖕᒥ ᐃᒥᖅᖢᓂ ᐅᓗᕆᐊᓇᕈᑎᖃᐃᓐᓇᐅᔭᕋᓗᐊᖅᑎᓪᓗᒍ, ᐊᒥᓱᐃᑦ ᐃᓄᐃᑦ ᐅᔾᔨᕈᓱᙱᓚᑦ ᖃᓄᑎᒋ ᐃᒥᐊᓗᖕᒥ ᐃᓱᒪᒋᔭᐅᓂᖓᓂ ᓈᒻᒪᒃᑐᒥ ᐊᒻᒪᓗ ᐊᑦᑕᓇᙱᓐᓂᖓᓂ ᐊᖏᓂᐅᔪᒥᒃ ᐃᒥᕐᓂᕐᒧᑦ. ᐃᓄᖕᓂ ᐃᑲᔪᕐᓂᕐᒧᑦ ᓴᓇᓂᖏᓐᓂ ᐃᓱᒪᓕᐅᑦᑎᐊᕆᓂᐅᔪᓂᒃ ᐃᒥᐊᓗᖕᒥ ᐊᑐᕐᓂᕐᒧᑦ, ᖃᐅᔨᓴᖅᑏᑦ ᑲᓇᑕᓕᒫᒥ ᖃᐅᔨᓴᖅᐸᒃᑐᓂ ᐃᒥᐊᓗᖕᒥ ᐊᒻᒪᓗ ᖃᓄᖅ ᐊᒃᑐᐃᕙᖕᓂᖏᓐᓂ ᐃᓄᑐᐃᓐᓇᓂᑦ, ᐃᓚᒌᓂᑦ ᐊᒻᒪᓗ ᓄᓇᓕᖕᓂᑦ, ᓴᖅᑭᑎᑦᑎᓚᐅᖅᐳᑦ ᐊᑦᑎᒃᑐᒥ−ᐅᓗᕆᐊᓇᕐᓂᖓᓂ ᐃᒥᐊᓗᖕᒥ ᐃᒥᕐᓂᕐᒧᑦ ᒪᓕᒋᐊᓕᖏᓐᓂᑦ. ᑖᒃᑯᐊ ᒪᓕᒋᐊᓕᑦ ᐃᒪᐃᖁᔨᓇᔭᖅᐳᑦ ᑭᒡᓕᐅᔪᓂᑦ ᖃᓄᑎᒋ ᐃᒥᐊᓗᖕᒥ ᐃᒥᕐᓂᕐᒧᑦ ᒥᒃᖠᒋᐊᖅᑎᑦᑎᓂᕐᒧᑦ ᐅᓗᕆᐊᓇᕐᓂᖓᓂ ᐃᒥᐊᓗᖕᒧᑦ−ᐱᔾᔪᑕᐅᔪᓄᑦ ᐊᑐᕐᓂᕐᓗᒃᑎᑦᑎᓂᐅᔪᓂᑦ ᕿᓚᒻᒥᐅᔪᒃᑯᑦ ᐊᒻᒪᓗ ᐊᑯᓂᐅᔪᒃᑯᑦ.
ᑕᒪᓐᓇ ᐃᓚᖓ ᑐᓂᓯᕗᖅ ᐅᖃᐅᓯᒃᓴᓂ ᐊᑦᑕᓇᙱᓐᓂᖅᓴᐅᔪᒥᒃ ᐊᑐᕐᓂᕐᒥᑦ ᐃᒥᐊᓗᖕᒥ ᑕᒪᒃᑭᓄᑦ ᐊᖑᑎᓄᑦ ᐊᒻᒪ ᐊᕐᓇᓄᑦ, ᐊᔭᐅᕆᓂᕐᒧᑦ ᐃᓕᖅᑯᓯᒥᒃ ᐱᓗᐊᙱᓐᓂᐅᔪᒥᒃ, ᐊᒻᒪᓗ ᐃᓄᖕᓂ ᐃᑲᔪᕐᓂᕐᒧᑦ ᐃᒥᕈᒪᕙᒃᑐᓄᑦ ᑲᒪᑦᑎᐊᖅᑐᒥᒃ ᐊᒻᒪᓗ ᐊᑦᑕᓇᙱᓐᓂᖅᓴᐅᔪᒥᒃ ᓂᕈᐊᕐᓂᖃᕐᓂᖏᓐᓄᑦ ᐃᒥᐊᓗᖕᒥ ᐊᑐᕐᓂᕐᒧᑦ.