Imiqmit puisiqtuq
Kinaliqaak imiqpallaarumi nalulaqipluni niplililmairumiluuniit, iminngakpallaaqtut ayurhautiqaliqtuq imiqmit puisiqtumik. Imiqmit puisiqtuq qayangnaqpiaq akhuraaluklu pipkaidjutiyuq imiqpallaarutiyuq unaluuniit imiinnaqhimmaaqtuq. Imiqpallaarumi ayurhautipkaiyuq anirhaarutiknik, uumat tigliqtaqninnga timitit uunaqutinga, tupalimaiqniaqtutit tuqutaulutilluuniit. Qaritarnut hukhaungiqtiqlugulu ihuarhilimaiqluni.
Imiinaqpallaalirumi imiinnaqhimmaaqtuqluuniit, aliahukaaqtumik imiriami qayangnautipkainiaqtuq. Tadjannuaq ilannat iglalukaaqtuq aliahukhuni, talvanngannuaqtauq ilannat uqaqtuq tukihinnaiqhuni, mirialiqhuni, huliluknaiqhuni naluqhittumilu. Taimailitpat tamna inuk avaliingaqtukhaungittuq “imingairiami,” taimaitkumi tuqunnakhavuq.
Naunaitkutat imiqmit puisiliqtuq:
- naluliqtuq naluqhitpiqaqtuqlu
- naluqhittuq uin’ngaliqtuqluuniit
- miriaqyuanginnaliqtuq
- miriaqtuq nalurhimatilluni
- kayumiiqtuq ihuaruiqhunilu anirhaaktaqtuq
- nakuungilirumi
- aryiqtangurhuni qakurhitpiaqhuniluuniit, niglaqtuq, kiniupaliqtuq uvininga
- kayumiiqhuni uumataa tigliqtaqninnga
- niglaumaliqtuq
Ihumagigukni kinaliqaak imiqmit puisiliqtuq, qilamiuqlutit ikayuqtaunahuaruk hivayaqlugu munarhitkut/munarhi havaktukhaq unnukmi, aggitilugilluuniit munarhitkunnut.
Ikayuutikhat kinaliqaak iminngakpiarumi kihimi kiuttaaqtuugaluaq:
- Ikhinnaruiqlugu. Avaliingaqtitailugu imingairiami.
- Hiniktittaililugu ikhivaluni.
- Imaqmik tunilugu, niuqqaqtaarumiuk. Kaapituqtittailugu, imaipkainakhavat timinga imingaipkailimaitaalu kaapituqtigukni.
- Miriaqtaililugu. Miriarahuarutinga ihuangittumik havalimaittuq taimaa tupinnakhavuq.
- Mirialiqqat ikhinnaruiqlugu taimaa naunariami tupingittut naluqhittuqluuniit.
- Niglaumapkaruiqlugu, iglup iluangungautilugu, qipiklugu. Imiq mikhipkaivaktaa timiup uunaqutinga taimaa qiqinakhavuq.
- Naunaiyarlugu pautuguyaangittuq, kilingittuq aadlanikluuniit aanirutinik. Pittaarumi, munarhiliapkarlugu.
- Imiqtaililugu.
Naluqhiqhimagumi tupalimaiqqalluuniit innarumagumiluuniit, haniraanunngaqpaklugit tupinnaittumik miriarumik. Takulugu piksanga hamna ataani:
Ikayuqtauyumavit?
Ihumaaluliruvit aaniqtailininnga kinalikiaqmik imiqpallaanginnaqtuq, una naunaitkutauyuq imiqmik ayurhautiqaqtuq. Taimaa tamna inuk naamakhikpat, ikayuutauniaqtuq uqaqatigigukni ikayuqtauliqtukhaq.