Imiinnaqhimmaaqtuq
 |
Imiinnaqhimmaaqtuq taimaa kinalikiaq imirumi amihumik kayumiktumik imiqtilluni. Tamna inuk ilannamiitkumi, ulapqigumi imiqmik niuqqaqtunik, imiinarumiluuniit amihumik iminngagumakmata. |
Haffumani Kaanataup Mikkarmik-Qayangnautiuq Imiraangat Maliktakhaq, imiqpallaaqtumik uumani:
- Tallimanik amihunikluuniit imirumi imiqtilluni angutinut
- Hitamanik amihunikluuniit imirumi imiqtilluni arnanut
Imiraaqpakkuvit, qilaminnuaq iminngakniaqtutit. Taimaittuq imiravit qilamitqiaq taimaa timitit piiyarahuaqtillugu imiq. Atauhiqmik avatqumayumik ikaarnimik timitit hiamitiriami atauhiqmik imirumi. Taimaa imingairumi imiruirumagumi utaqqilunilu.
Huuq imiinnaqhimmaaqtuq qayangnaqpiaqtuq?
Imiinnaqhimmaaqtuq qayangnatqiyauyuq aadlatiinganit imiqniqmik, taimainmat imiqpallaarumi kinalikiaq imiqtilluni, aaniqhunguyuq qanuriliurluniluuniit qayangnaqtumik. Taimaa, iminngakpiarumi imiqmit puisiutiniaqtuq tuqutauluniluuniit. Una pittaaqtuq taimaa inuk iminngakyuarumi nalurhitpat, miriarumi tupiluni miriaminit.
Taimaa kinalikiaq imiraaqpakkumi, amihumik qayangnautipkainiaqtuq ukunanik:
- Ningaqluni ningaqtauluniluuniit.
- Nulilaqtaukpat angiqtauhimaittumik nulliqigumiluuniit kimut angiqtauhimaittumik.
- In’ngummagumi in’ngummakpiarumiluuniit, ihumaalugumi aadlaniklu Ihumamitigut aaniarutauyut ayurhautit.
- Naluqhigaangat, talvani ilihimangitkuvit humiitkuvit hulilyutillu imingakhimatillutit.
- Imin’nguhukkuvit niqurliuruvit, hayulaqiguvit mirialiruvillu.
- Inminiirahualiruvit taimailiurnaigiaqni in’ngummagaangavit.
- Aaniqtauguvit tuqutauguvilluuniit iukkaruvit, imaaruvit, qiqittiruvit, alappaarniqmit ikualaaqtumilluuniit.
- Aaniqtauguvit tuqutauguvilluuniit maniqqamiitkuvit, aullaaruvit sikiituyaruvilluuniit.
- Aanialiruvit tuqutauguvillu imiqmit puisiqtauguvit.
Naqillutit hamunga ilihimaliriaqni qanuriliuqtukhauyutit taimaa kinaliqaak ayurhaliqqat imiqmit puisiqtaugumi.
Naqillutit hamunga ikayuutikhanik munariniqmik nakuutqiamiklu aturninnga imiqmik.