ᓯᖓᐃᔭᐅᑎᓪᓗᒍ ᐋᖓᔮᖃᑦᑕᕐᓂᕐᒧᑦ
ᐊᕐᓇᐃᑦ ᐃᒥᐊᓗᖕᒥ ᐃᒥᕈᑎᒃ ᓯᖓᐃᑎᓪᓗᒋᑦ − ᐱᓗᐊᖅᑐᒥ ᐃᓛᓐᓂᒃᑯᑦ ᐃᒥᐊᓗᕐᔪᐊᓚᐅᖅᐸᒡᓗᑎᒃ – ᓄᑕᕋᓛᖏᖅ ᐃᓅᔪᓐᓇᖅᐳᑦ ᓯᖓᐃᔭᐅᑎᓪᓗᒍ ᐋᖓᔮᖃᑦᑕᕐᓂᕐᒧᑦ ᐊᒃᑐᖅᑕᐅᓯᒪᓂᐅᔪᒥᑦ (FASD). ᓄᑕᕋᓛᖅ ᐃᓅᔪᖅ ᓯᖓᐃᔭᐅᑎᓪᓗᒍ ᐋᖓᔮᖃᑦᑕᕐᓂᕐᒧᑦ ᐊᒃᑐᖅᑕᐅᓯᒪᓂᐅᔪᒥ ᐃᓅᓯᓕᒫᖓᓐᓂ ᐊᔪᕈᑎᖃᕈᓐᓇᖅᐳᖅ ᑎᒥᒃᑯᑦ, ᐃᓕᖅᑯᓯᖓᒍᑦ ᐊᒻᒪᓗ ᐃᓕᑦᑎᓂᕐᒧᑦ ᐊᔪᕈᑎᖃᕐᓗᓂ.
ᓄᓇᕗᒻᒥ ᐅᓪᓗᒥ, ᓯᖓᐃᔭᐅᑎᓪᓗᒍ ᐋᖓᔮᖃᑦᑕᕐᓂᕐᒧᑦ ᐊᒃᑐᖅᑕᐅᓂᖓ ᐱᓪᓚᕆᐅᖑᖃᑕᐅᕗᖅ ᐊᒻᒪᓗ ᑕᐃᒪᐃᙱᑎᑕᒃᓴᐅᕗᖅ ᐃᒥᐊᓗᖕᒧᑦ−ᐱᔾᔪᑕᐅᔪᒥᒃ ᐊᒃᑐᕐᓂᕐᓗᒃᑎᑦᑎᓂᐅᔪᓂᑦ. ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐃᓄᓕᕆᔨᒃᑯᑦ ᓇᓚᐅᑦᑖᕆᕗᑦ 2002−ᒥ 30%−ᖑᔪᑦ ᓯᖓᐃᔪᓂ ᐊᕐᓇᓂ ᐃᒥᐊᓗᒃᑐᓲᖑᓂᖏᓐᓂ ᓯᖓᐃᑎᓪᓗᒋᑦ, ᐊᒻᒪ 85%−ᖑᔪᑦ ᑖᒃᑯᓇᓂ ᓱᕈᓯᕐᓂ ᑕᑯᒃᓴᐅᓂᖃᖅᐳᑦ ᓯᖓᐃᔭᐅᑎᓪᓗᒍ ᐋᖓᔮᖃᑦᑕᕐᓂᕐᒧᑦ ᐊᒃᑐᖅᑕᐅᓯᒪᓂᖏᓐᓂ. ᐊᑭᐅᔪᑦ ᓯᖓᐃᔭᐅᑎᓪᓗᒍ ᐋᖓᔮᖃᑦᑕᕐᓂᕐᒧᑦ ᐊᒃᑐᖅᑕᐅᓯᒪᓂᕐᓄᑦ ᐃᓅᖃᑎᒌᖕᓂᕐᒧᑦ ᖁᑦᑎᒃᑑᒋᕗᑦ. ᖄᒃᑲᓐᓂᐊᒍᑦ ᐊᓯᐅᔨᕐᔪᐊᕐᓂᐅᔪᒥ ᐱᐅᓂᖓᓂ ᐃᓅᓯᕐᒥ ᓱᕈᓯᓄᑦ ᓯᖓᐃᔭᐅᑎᓪᓗᒍ ᐋᖓᔮᖃᑦᑕᕐᓂᕐᒧᑦ ᐊᒃᑐᖅᑕᐅᓯᒪᔪᓄᑦ, ᓇᓚᐅᑦᑖᕆᕗᑦ ᐋᓐᓂᐊᖃᖅᑕᐃᓕᒪᓂᕐᒧᑦ ᐸᖅᑭᔭᐅᓂᖏᓐᓂ ᐊᑭᖏᑦ ᐃᓚᒋᔭᐅᔪᒥ ᓯᖓᐃᔭᐅᑎᓪᓗᒍ ᐋᖓᔮᖃᑦᑕᕐᓂᕐᒧᑦ ᐊᒃᑐᖅᑕᐅᓯᒪᓂᕐᒧᑦ ᐃᓅᓯᓕᒫᖓᓐᓂ $1.5 ᒥᓕᐊᓐ−ᖑᕗᑦ ᐊᑐᓂ ᐃᓄᖕᒧᑦ ᓯᖓᐃᔭᐅᑎᓪᓗᒍ ᐋᖓᔮᖃᑦᑕᕐᓂᕐᒧᑦ ᐊᒃᑐᖅᑕᐅᓯᒪᔪᓄᑦ.
ᖃᓄᑎᒋᑐᐃᓐᓇᑦᑎᐊᖅ ᐃᒥᐊᓗᖕᒥᑦ ᖃᓄᐃᑦᑑᓂᖓᓂᓗ ᐃᒥᐊᓘᓂᖓᓂ ᐊᑦᑕᕐᓇᙱᑦᑐᖃᙱᓚᖅ ᐊᕐᓇᒧᑦ ᐃᒥᐊᓗᒃᑐᕐᓂᕐᒧᑦ ᓯᖓᐃᓂᖓᓂ. ᒥᑭᑦᑐᒥᒡᓘᓐᓃᑦ ᐃᒥᕈᕕᑦ ᐃᒥᐊᓗᖕᒥ ᐊᒃᑐᕐᓂᕐᓗᒃᑎᑦᑎᔪᓐᓇᖅᐳᖅ ᓄᑕᕋᓛᑉ ᐱᕙᓪᓕᐊᓂᖓᓂ.
ᖃᐅᔨᒋᐊᒃᑲᓐᓂᕐᓂᕐᒧᑦ ᐅᖃᐅᓯᒃᓴᓂ ᐃᒥᐊᓗᖕᒧᑦ ᐊᒻᒪ ᓯᖓᐃᓂᕐᒧᑦ ᓇᕿᒍᒃ ᐅᕘᓇ.