Maligait ukiukitpalanut imirninut
Nunavutmi, maligaqnik akigaqtut inuk tungaani 19-nik ukiulik niuvigianga, niuvgutiqagianga, pihimayanga niuqagiangaluniit imirlukmik. Ilai atugaluaqlugit ilalgit:
- Pilaqtitnia ukiukittuq munaqtautitlugu angayuqanganik maligaqtigutluniit munaqtia imirniq angilgami inmingniluniit ilagit aliahutigiyani.
- Pipkaqnia niuqarniq imirlukmik havautigiyanut piplugit, ukpirniqmutluniit wainit niuqaqnit ilaupluni ukpirniqmun angayyugiaqtunut.
Tamna laisamik tigumiartuq apigilaqta kinaliqak naunaipkutanik avataanittakha 19-nik, pilagiangalu niuvirniq niuqarniqluniit imirlukmik. Pikpat inuk piqaqtitingittanga naunaipkutaqmik, tamna laisataqhimayuq apigilaqta tamna inuk aniqulugu tahamangat.
Tamna ukiukittuq niuqaqat imirlukmik ahiguipluni tapkuninga maligaqnik akiliqhipkagaulaq tikitlugu $500 pipkaqtaunialuniit nunaliuyunut havaknia akiliqtugauhimaittumik. Tamna ukiukittuq akiliqhingitpat akiliqtakhamik iniqhingitpatluniit nunaliknut havaqmik, pityutaulaq saivanik ublunik itiqtauniqmik. Tamna inuk niuvgutilik imirlukmik ukiukittumun hanmilaq tikitlugu $20,000 itiqtauluniluniit tikitlugu atauhiqmik ukiumik.
Tuhaqpaligiami tapkuninga Nunavutmi imirluknut pittailitit havagutai, hamungaulutit.