Ihumamitigut aaniarutauyut ihumaalutigiyauyut
Amihunut inuknut, imiriami unaguiqhiyuumiutipkaivaktuq, kihimi nakukungittumik pipkaidjutivaktuq tamainnut Ihumamitigut aaniarutauyut. Inuknut Ihumamitigut aaniarutauyut ihumaalutigiyauyut kihimi, ihivriurninnga naunaiqtaa imiinnaraaqpakniaqtut, taimaa inuuhinga ayurhautipkaidjutipkaiyuq akhuraaluk.
Atuqtaunginnaqtuq inuknut Ihumamitigut aaniarutauyut ihumaalutigiyauyut imiriami unalu/unaluuniit aangayaarnaqtunik nakuuhigiami, ikikliyuuumiriami qanuriliurutingit aaniarutinginnik, uluriahukniq, in’ngummakniq, ihumaaluknik ninngakhimaniqluuniit. Taimaa mikkannuarmik imirumi ikikliyuumiqniaqtait hapkuat mihigiyangit akuniraalungittumik, imiq piipkailimaitait hapkuat ayurhautit. Taimaa, imiriami ayurhautiknik ingattaumiutiniaqtaa, angikliyuumiqlugulu qayangnautinga inminiirutiluni. Talvuuna akhuurutauyuq inuit inuuhimayut uuminnga Ihumamitigut aaniarutauyut ihumaalutigiyauyut qayagiyukhat imirahuarumik.
Taimaittumik atuqpiartuq tapkuat inuit inuuyut ihumaliqutinut aaniaqtailiniqmun pityutilgit nautiumayalgit niguagumik imirniqmik kikliqaqtitnilu qamuq aktilamik imirnit. Nautiumaniqhauyalgit havautitugumik, piplugu imirluk ulapihailaq havautinut pipkailunilu ihuittumik qanugutnit. Havautituguvit, atuqpiartuq nautiumalutit malikni havautit tiliugutai.
Ihivriuqniqlu naunaiqtaa imiqpallaarumi pipkaidjutittaaqtuq ukuninnga piliupkaininnga Ihumamitigut aaniarutauyut ihumaalutigiyauyut inuknut piqangittut Ihumamitigut aaniarutauyut ayurhautingit qangaraaluk. Imirturniqtut atuqattaqtai tahapkuat naunaipkutat hivuganaqniqmilat pivaliatitnit ihumaliqutinut aaniarniq:
- inngumaniq ihumaalukniqluniit
- ayurharniq hinigiami
- ihumalairniq uingaittumik, tamnalu
- piqatiginahuaguiqni ilannait ilagiyatlu
Tahapkuat inmiguqtut ihumagiyumalaqtat mikhigiaqni nutqaqniqluniit imirlukmik aturniq nakuutqiyamik munagilaqni tahapkuat qanugityutaunit pittailinilu hivunikhami ihumaliqutit aaniaqtailini ihuilgut.
Naunairyuumirumaguvit uumuuna Ihumamitigut aaniarutauyut ihumaalutigiyauyut naqillutit hamunga.