ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑲᐅᙱᓕᐅᕈᑎᑦ
ᑕᒪᕐᒥᒐᓚᖕᓄᑦ ᐃᓄᖕᓄᑦ, ᐃᒥᐊᓗᖕᒥ ᐃᒥᕐᓂᖅ ᖃᓱᖓᕚᓪᓕᕐᓂᕐᒪᑦ, ᑭᓯᐊᓂ ᐱᐅᙱᑦᑐᒥᒃ ᐊᒃᑐᐃᓂᖃᕈᓐᓇᖅᐳᖅ ᑕᒪᐃᑎᒍᑦ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᖓᓄᑦ. ᐃᓄᖕᓄᑦ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑲᐅᙱᓕᐅᕈᑎᖃᖅᑐᓄᑦ ᑭᓯᐊᓂ, ᖃᐅᔨᓴᕐᓂᖅ ᑕᑯᒃᓴᐅᑎᑦᑎᕗᖅ ᐃᒥᖅᑎᕐᔪᐊᖑᒐᔪᖕᓂᐊᖅᐳᑦ, ᐱᑎᑦᑎᓂᐊᖅᑐᒥᒃ ᐋᓐᓂᐊᖃᕐᓇᙱᑦᑐᓕᕆᓂᖓᓂ ᐊᑲᐅᙱᓕᐅᕈᑎᖏᓐᓂ ᐱᐅᙱᓐᓂᖅᓴᐅᓂᖏᓐᓂ.
ᑕᐃᒪᐃᒐᔪᒃᐳᑦ ᐃᓄᖕᓄᑦ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑲᐅᙱᓕᐅᕈᑎᖃᖅᑐᓄᑦ ᐃᒥᐊᓗᖕᒥ ᐊᑐᕐᓂᕐᒧᑦ ᐊᒻᒪᓗ/ᐅᕝᕙᓘᓐᓃᑦ ᓱᐴᖅᑐᒐᕐᓂ ᐊᑲᐅᓯᕚᓪᓕᕈᑕᐅᓂᕐᒧᑦ, ᐊᒻᒪᓗ ᒥᒃᖠᒋᐊᖅᑎᑦᑎᓂᕐᒧᑦ ᐃᒃᐱᖕᓂᐊᓂᐅᔪᓄᑦ ᐋᓐᓂᐊᖓᓐᓂ, ᓲᕐᓗ ᐋᓐᓂᐊᕐᓂᕐᒥᑦ, ᓂᑲᓪᓗᖓᓂᖅ, ᓯᕘᕋᓂᖅ ᓂᙵᐅᒪᓂᕐᓘᓐᓃᑦ. ᒥᑭᑦᑐᒥᒃ ᐃᒥᐊᓗᖕᒥ ᒥᒃᖠᒋᐊᖅᑎᑦᑎᓇᔭᕋᓗᐊᖅᑎᓪᓗᒍ ᐃᒃᐱᖕᓂᐊᓂᐅᔪᓂᒃ ᕿᓚᒻᒥᐅᔪᒃᑯᑦ, ᐃᒥᐊᓗᒃ ᐲᖅᓯᕙᙱᓚᖅ ᐊᑲᐅᙱᓕᐅᕈᑕᐅᔪᓂᑦ. ᐃᒻᒪᖄ, ᐃᒥᐊᓗᖕᒥ ᐃᒥᖅᖢᓂ ᐊᑲᐅᙱᓕᐅᕈᑕᐅᔪᓂᒃ ᐱᐅᔪᓐᓃᖅᐹᓪᓕᖅᑎᑦᑎᓲᖑᕗᑦ, ᐊᒻᒪᓗ ᐊᖏᒡᓕᒋᐊᖅᑎᑦᑎᔪᓐᓇᖅᖢᓂ ᐅᓗᕆᐊᓇᕐᓂᐅᔪᒥᒃ ᐃᒻᒥᓃᕐᓂᕐᒧᑦ. ᑕᐃᒪᐃᓐᓂᖓᓄᑦ ᐱᒻᒪᕆᐅᕗᖅ ᐃᓄᐃᑦ ᐃᓅᓯᖃᖅᑐᓂ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑲᐅᙱᓕᐅᕈᑎᐅᔪᓂᑦ ᐅᔾᔨᖅᓱᑦᑎᐊᕆᐊᖃᖅᐳᑦ ᐃᒥᐊᓗᖕᓂᐊᕈᑎᒃ.
ᑕᐃᒪᐃᓐᓂᖓᓄᑦ ᐱᒻᒪᕆᐅᕗᖅ ᐃᓄᐃᑦ ᐃᓅᓯᖃᖅᑐᓂ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑲᐅᙱᓕᐅᕈᑎᐅᔪᓂᑦ ᐅᔾᔨᖅᓱᑦᑎᐊᕆᐊᖃᖅᐳᑦ ᐃᒥᐊᓗᖕᓂᐊᕈᑎᒃ ᐊᒻᒪᓗ ᑭᒡᓕᖃᖅᑎᑦᑎᓗᑎᒃ ᖃᓄᑎᒋ ᐃᒥᖅᐸᖕᓂᖏᓐᓂ. ᐅᔾᔨᖅᓱᑦᑎᐊᓪᓗᐊᖅᐳᑦ ᐃᓅᓕᓴᐅᑎᑐᕈᑎᒃ, ᐃᒥᐊᓗᒃ ᐸᕖᓵᕆᔪᓐᓇᕐᒪᑦ ᐃᓅᓕᓴᐅᑎᓂᑦ ᐊᒻᒪᓗ ᐱᐅᙱᑦᑐᒥ ᐊᒃᑐᐃᓂᖃᕈᓐᓇᕐᒪᑕ. ᐃᓅᓕᓴᐅᑎᑐᕈᕕᑦ, ᐱᒻᒪᕆᐅᕗᖅ ᒪᓕᑦᑎᐊᕐᓂᕐᒧᑦ ᐃᓅᓕᓴᐅᑎᐅᑉ ᒪᓕᒋᐊᓕᖏᓐᓂᑦ.
ᖃᐅᔨᓴᐃᓂᖅ ᑕᑯᒃᓴᐅᑎᑦᑎᓯᒪᒋᕗᖅ ᐃᒥᐊᓗᖕᒥ ᐃᒥᓗᐊᖃᑦᑕᕐᓂᖅ ᑐᕌᖅᑎᑦᑎᔪᓐᓇᖅᐳᖅ ᐱᕙᓪᓕᐊᑎᑕᐅᓂᖓᓂ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑲᐅᙱᓕᐅᕈᑎᒧᑦ ᐃᓄᖕᓄᑦ ᐱᖃᓚᐅᙱᑦᑐᓄᑦ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑲᐅᙱᓕᐅᕈᑎᓂᑦ ᑕᐃᔅᓱᒪᓂᒃᑲᓐᓂᖅ. ᐃᒥᖅᑎᕐᔪᐊᖑᔪᑦ ᐅᑯᓂᖓ ᐊᑐᒐᔪᒃᑐᑦ ᖃᓄᐃᓐᓇᐅᔪᓂᑦ ᐅᓗᕆᐊᓇᖅᑐᒦᑦᑐᓐᓇᖅᐳᑦ ᐃᓱᒪᒧᑦ ᐋᓐᓂᐊᕐᓇᐅᔪᒥᑦ:
- ᓂᑲᓪᓗᖓᓂᖅ ᐅᕝᕙᓘᓐᓃᑦ ᖁᓱᓂᕐᒧᑦ
- ᓯᓂᒍᓐᓇᐃᔾᔨᖃᑦᑕᖅᑐᓄᑦ
- ᐃᓱᒪᑦᑎᐊᕈᓐᓇᐃᓪᓕᓂᕐᒥᑦ, ᐊᒻᒪᓗ
- ᐅᖓᓯᒃᓯᕙᓪᓕᐊᓂᕐᒥ ᐱᖃᓐᓇᕆᔭᒥᓂᑦ ᐊᒻᒪᓗ ᐃᓚᒥᓐᓂ
ᐅᑯᐊ ᐃᓄᐃᑦ ᐃᓱᒪᒃᓴᖅᓯᐅᕆᔪᒪᓪᓗᐊᖅᑐᑦ ᒥᒃᖠᒋᐊᖅᓯᓂᕐᒥᑦ ᓄᖅᑲᕐᓂᕐᒧᓪᓘᓐᓃᑦ ᐃᒥᐊᓗᖕᒥ ᐊᑐᕐᓂᕐᒧᑦ ᐊᐅᓚᑦᑎᐊᕐᓂᖅᓴᐅᔪᓐᓇᕐᓂᐊᕐᒪᑕ ᑖᒃᑯᓂᖓ ᐃᒃᐱᖕᓂᐊᓂᐅᔪᓂᑦ ᐊᒻᒪᓗ ᐱᑦᑕᐃᓕᒪᓗᑎᒃ ᓯᕗᓂᒃᓴᒧᑦ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᓄᑦ ᐊᑲᐅᙱᓕᐅᕈᑕᐅᔪᓂᑦ.
ᖃᐅᔨᒋᐊᒃᑲᓐᓂᕐᓂᕐᒧᑦ ᐅᖃᐅᓯᒃᓴᓂ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᑲᐅᙱᓕᐅᕈᑎᓄᑦ ᓇᕿᒍᒃ ᐅᕘᓇ.