ᐅᖃᓪᓚᖃᑦᑕᕐᓂᕐᒧᑦ ᒪᒃᑯᒃᑐᓄᑦ ᐃᒥᐊᓘᑉ ᒥᒃᓵᓄᑦ
ᒪᒃᑯᒃᑐᑦ ᓵᙵᔪᓐᓇᖅᐳᑦ ᖃᔅᓯᒐᓚᖕᓂ ᐊᒃᓱᕈᕐᓂᐅᔪᓂᑦ ᐃᓅᓯᓕᒫᖓᓐᓂᑦ, ᐊᒻᒪᓗ ᖃᐅᔨᒪᕗᒍᑦ ᐃᓛᓐᓂᒃᑯᑦ ᐃᓱᒪᓕᐅᕆᑦᑎᐊᓗᐊᓲᖑᙱᓐᓂᖏᓐᓂᑦ. ᑕᒪᓐᓇ ᐃᓚᒋᔭᐅᑎᓪᓗᒍ ᐱᕈᖅᓴᓂᕐᒧᑦ, ᐃᓚᒌᑦ ᐱᓕᕆᓂᖃᕈᓐᓇᖅᐳᑦ ᕿᑐᙵᒥᓂᑦ ᐃᑲᔪᕐᓂᕐᒧᑦ ᐱᐅᓂᖅᓴᓂ ᐊᒻᒪ ᐊᑦᑕᓇᙱᓐᓂᖅᓴᓂᒃ ᓂᕈᐊᒐᖃᕐᓂᖏᓐᓂ ᐃᒥᐊᓘᑉ ᐊᑐᖅᑕᐅᓂᖓᓂ.
ᐃᓚᒌᓂᑦ ᐊᖓᔪᖅᑳᖏ ᐸᖅᑭᔨᐅᔪᓪᓗ ᐃᒥᐊᓗᖃᑦᑕᙱᒃᑲᓗᐊᕈᑎᒃ, ᓄᑕᖅᑲᑦ ᐃᓕᑦᑎᓲᖑᕗᑦ ᐃᒥᐊᓗᖕᒥ ᐅᑭᐅᑭᑦᑑᑎᓪᓗᒋᑦ ᑕᓚᕖᓴᒃᑯᑦ, ᑕᕐᕆᔭᒐᕐᓂ, ᖃᕋᓴᐅᔭᑎᒍᑦ, ᐱᖃᓐᓇᕆᔭᒥᓂᑦ ᐊᒻᒪᓗ ᓄᓇᓕᐅᔪᓂᑦ.
ᐱᒻᒪᕆᐅᕗᖅ ᒪᑐᐃᖓᑦᑎᐊᖅᑐᒥ ᐅᖃᓪᓚᖃᑎᖃᕐᓂᕐᒥᑦ ᐃᒥᐊᓘᑉ ᒥᒃᓵᓄᑦ ᐃᑲᔪᕐᓂᕐᒧᑦ ᐃᓕᑦᑎᒃᑲᕐᓂᕐᓂᕐᒧᑦ:
- ᖃᓄᖅ ᐃᒥᐊᓗᖃᑦᑕᕐᓂᕐᒧᑦ ᐊᒃᑐᕐᓂᕐᓗᒃᑎᑦᑎᓂᐅᔪᓐᓇᕐᓂᖓᓂ ᑎᒥᒥᒍᑦ, ᐃᓱᒪᒃᑯᑦ ᐊᒻᒪᓗ ᐅᒃᐱᕐᓂᖓᑕ ᖃᓄᐃᙱᑎᐊᕐᓂᕆᔭᖏᓐᓂᑦ.
- ᑲᒪᒋᔭᖃᕐᓂᕐᒥᑦ ᐃᓅᓯᐅᑉ ᐊᒃᓱᕈᕐᓇᖅᑐᖁᑎᖏᓐᓂᑦ ᐊᒻᒪᓗ ᐊᒃᓱᕈᕈᑕᐅᔪᓂᑦ ᐃᒥᐊᓗᖕᒥ ᐊᑐᙱᓪᓗᑎᒃ.
- ᖃᓄᖅ ᒥᒃᖠᒋᐊᖅᑎᑦᑎᓂᕐᒧᑦ ᐃᒥᐊᓗᖕᒧᑦ−ᐱᑎᑕᐅᔪᒥ ᐊᒃᑐᕐᓂᕐᓗᒃᑎᑦᑎᓂᐅᔪᓂᑦ ᐊᑦᑕᓇᙱᑦᑐᒥ ᐃᒥᕐᓗᓂ ᐊᒻᒪᓗ ᑲᒪᒋᔭᖃᑦᑎᐊᖅᑐᒥ ᐃᒪᖃᑦᑕᕈᒪᒍᑎᒃ.
ᑕᒪᓐᓇ ᐃᓚᖓ ᐅᖃᐅᓯᒃᓴᓂ ᑐᓂᓯᕗᖅ ᐊᖓᔪᖅᑳᓄᑦ ᐊᒻᒪᓗ ᐸᖅᑭᔨᐅᔪᓄᑦ ᐱᒻᒪᕆᐅᓂᖓᓂ ᐅᖃᖃᑎᖃᕐᓂᕐᒧᑦ ᓄᑕᖅᑲᓄᑦ ᐃᒥᐊᓘᑉ ᐊᑐᖅᑕᐅᓂᖓᓄᑦ ᐊᒻᒪᓗ ᐃᑲᔪᕈᑎᒃᓴᓄᑦ ᐅᖃᓪᓚᖕᓂᖅ ᐱᒋᐊᖅᑎᑕᐅᓂᖓᓄᑦ.