ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᓗᕆᐊᓇᕐᓂᐅᔪᑦ ᐃᒥᐊᓗᖕᓂ

ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᓗᕆᐊᓇᕐᓂᐅᔪᑦ ᐃᒥᐊᓗᖕᓂ

ᐃᒥᐊᓗᖕᒥ ᐊᖏᓗᐊᙱᑦᑐᒥᒃ ᐃᒥᖃᑦᑕᕐᓂᖅ ᐊᓕᐊᓇᐃᑦᑐᓐᓇᖅᐳᖅ ᐃᓅᖃᑎᒌᖕᓂᐅᔪᒥᒃ ᐊᒻᒪᓗ ᖁᕕᐊᓲᑎᖃᕐᓂᕐᒥᑦ ᑕᐃᒃᑯᓄᖓ ᐃᒥᕈᒪᕙᒃᑐᓄᑦ. ᑭᓯᐊᓂ ᑭᓇᑐᐃᓐᓇᖅ ᐃᒥᐊᓗᓗᐊᕈᓂ, ᐊᑕᐅᓰᖅᑐᒥᒃ ᐊᑯᓂᐅᔪᒃᑯᓪᓘᓐᓃᑦ, ᐋᓐᓂᐊᖃᕐᓇᙱᑦᑐᓕᕆᓂᖓ ᐅᓗᕆᐊᓇᖅᑐᕐᒧᐊᖅᑎᑦᑎᔪᓐᓇᖅᐳᑦ.

ᐃᒥᐊᓗᖕᒥ ᐃᒥᖃᑦᑕᓗᐊᖅᖢᓂ ᐱᑎᑦᑎᔪᓐᓇᖅᐳᖅ ᕿᓚᒻᒥᐅᔪᒃᑯᑦ ᓴᓂᕌᓄᑦ ᐊᒃᑐᐃᓂᐅᔪᒥᒃ ᓲᕐᓗ ᐱᙳᓂᕐᒥᑦ ᖃᓂᒪᖅᑰᔪᓂᕐᒥᓪᓘᓐᓃᑦ. ᑭᓯᐊᓂ ᐃᓄᒃ ᐃᒥᕐᓂᖅᓴᐅᖃᑦᑕᕈᓂ, ᐊᖏᓂᖅᓴᐅᓂᐊᖅᐳᖅ ᐅᓗᕆᐊᓇᕐᓂᖓᓂ ᓇᖕᒥᓂᕐᒧᑦ ᐋᓐᓂᕐᓂᐅᔪᒧᑦ, ᐱᕐᕈᓗᐊᕿᓂᐅᔪᒧᑦ, ᐋᓐᓂᖅᓯᕆᓂᕐᒧᑦ ᐊᒻᒪ ᐃᓚᒌᓄᑦ ᐊᑲᐅᙱᓕᐅᕆᓂᐅᔪᓄᑦ. ᐊᑯᓂᐅᔪᒃᑯᑦ, ᐃᒥᓗᐊᖃᑦᑕᖏᒃᑲᓗᐊᕐᓗᓂ ᐊᖏᒡᓕᒋᐊᖅᑎᑦᑎᔪᓐᓇᖅᐳᖅ ᐱᕙᓪᓕᐊᑎᑦᑎᓂᕐᓂ ᐊᑯᓂᐅᔪᒃᑯᑦ ᐋᓐᓂᐊᖃᕐᓇᕐᓂᕐᓄᑦ ᐊᑲᐅᙱᓕᐅᕈᑕᐅᔪᓂᒃ, ᓲᕐᓗ ᖁᑦᑎᒃᑐᒥ ᐊᐅᑉ ᓯᖑᔭᕐᓂᖓᓂ, ᑳᓐᓱ, ᐆᒻᒪᑎᒧᑦ ᐋᓐᓂᐊᕐᓇᓂᑦ, ᓄᑮᖅᑎᑦᑐᑦ ᐊᒻᒪ ᑎᖑᖕᒧᑦ ᐋᓐᓂᐊᕐᓇᓂᑦ.

ᑕᒪᓐᓇ ᐃᓚᖓ ᑐᓂᓯᕗᖅ ᐅᖃᐅᓯᒃᓴᓂ ᐋᓐᓂᐊᖃᕐᓇᕐᓄᑦ ᐅᓗᕆᐊᓇᕐᓂᐅᔪᓄᑦ ᐱᔾᔪᑎᖃᖅᑐᒥ ᐃᒥᐊᓗᖕᒥ ᐃᒥᖃᑦᑕᕐᓂᕐᒧᑦ. ᐅᓂᒃᑳᕆᖕᒥᕗᖅ ᖃᓄᐃᒻᒪᑦ ᐱᒻᒪᕆᐅᓂᖓᓂ ᐋᓐᓂᐊᖃᕐᓇᙱᑦᑐᓕᕆᓂᕐᓄᑦ ᐊᒻᒪᓗ ᖃᓄᐃᙱᑦᑎᐊᕐᓂᕐᓄᑦ ᓴᓇᓂᕐᒧᑦ ᑲᒪᑦᑎᐊᖅᑐᒥᒃ ᐊᒻᒪᓗ ᐋᓐᓂᐊᖃᕐᓇᙱᑦᑐᓄᑦ ᓂᕈᐊᕐᓂᐅᔪᓂᒃ ᐃᒥᐊᓗᖕᒥ ᐊᑐᕐᓂᕐᒧᑦ.