ᒥᒃᖠᒋᐊᖅᑎᑦᑎᓂᖅ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ
ᓇᓗᓇᐃᕆᓯᒪᔪᓂ ᐃᓚᒌᑦ ᐱᓕᕆᔪᓐᓇᖅᑐᑦ ᒥᒃᖠᒋᒋᐊᖅᑎᑦᑎᓂᕐᒧᑦ ᐃᒥᐊᓗᖕᒧᑦ−ᐱᑎᑕᐅᔪᒧᑦ ᐊᒃᑐᕐᓂᕐᓗᒃᑎᑦᑎᓂᐅᔪᓂᑦ ᐊᒻᒪᓗ ᐊᔭᐅᕆᓂᕐᒧᑦ ᐊᑦᑕᓇᙱᓐᓂᖅᓴᒥ ᐃᒥᐊᓗᖕᓂᕐᒧᑦ ᐃᓕᖅᑯᓯᐅᔪᓂᑦ ᐊᖏᕐᕋᒥ. ᐱᒋᐊᕐᕕᑦᐊᕙᒃ ᖃᐅᔨᒪᓂᕐᒧᑦ ᖃᓄᑎᒋ ᐃᒥᐊᓗᖕᒥ ᐃᓱᒪᒋᔭᐅᓂᖓᓂ ᐊᑦᑕᓇᙱᓐᓂᖓᓂ ᐃᒥᕐᓂᕐᒧᑦ ᒥᒃᖠᒋᐊᖅᑎᑦᑎᓂᕐᒧᑦ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ. ᖃᐅᔨᓴᖅᑎᐅᔪᑦ ᑲᓇᑕᓕᒫᒥ ᖃᐅᔨᓴᖅᐸᒃᑐᓂ ᐃᒥᐊᓗᖕᒥ ᐊᒻᒪᓗ ᖃᓄᖅ ᐊᒃᑐᐃᕙᖕᓂᖏᓐᓂ ᐃᓄᑐᐃᓐᓇᓂᑦ ᐊᒻᒪᓗ ᓄᓇᓕᖕᓂᑦ, ᓴᖅᑭᑎᑦᑎᓚᐅᖅᐳᑦ ᑲᓇᑕᒥ ᐊᑦᑎᒃᑐᒥ−ᐅᓗᕆᐊᓇᕐᓂᖓᓂ ᐃᒥᐊᓗᖕᒥ ᐃᒥᕐᓂᕐᒧᑦ ᒪᓕᒋᐊᓕᖏᓐᓂᑦ.
ᖃᐅᔨᒪᔾᔪᑎᒃᓴᑦ ᐋᖅᑭᒃᓯᔾᔪᑕᐅᕗᑦ ᐱᓇᓱᐊᕈᓯᑕᒫᑦ ᑭᒡᓕᒋᑎᑕᐅᔪᓂᒃ ᐃᒥᐊᓗᒃᑐᕐᓂᐊᕐᓗᓂ ᒥᒃᖠᒋᐊᕈᑎᒃᓴᑦ ᐋᓐᓂᕈᑕᐅᓲᓄᑦ:
- ᐅᖓᑖᓅᙱᑦᑐᖅ ᒪᕐᕉᖕᓂᒃ ᐃᒥᕐᓂᖅ ᐱᓇᓱᐊᕈᓯᑕᒫᖅ ᐊᖑᑎᓄᑦ ᐊᕐᓇᓄᓪᓗ.
- ᐃᒥᕐᓂᐊᕈᕕᑦ, ᒪᕐᕉᒃ ᐅᖓᑖᓂ ᐃᒥᖃᑦᑕᙱᓪᓗᑎᑦ.
- ᐊᒃᓱᓪᓘᓐᓃᑦ ᐅᓪᓘᖕᓂ ᒪᕐᕉᖕᓂ−ᐃᒥᕐᐸᙱᓪᓗᑎᑦ ᐱᓇᓱᐊᕈᓯᖕᒥᑦ ᐅᐃᕆᖁᓇᒃ.
ᒪᓕᒋᐊᓖᑦ ᑐᓂᓯᓲᖑᒋᕗᑦ ᐊᑐᖁᔭᐅᓇᔭᖅᑐᓂ ᖃᖓ ᐊᑦᑕᓇᙱᓛᖑᓇᔭᕐᓂᖓᓂ ᐃᒥᐊᓗᙱᑦᑎᐊᒻᒪᕆᖕᓂᕐᒧᑦ, ᓲᕐᓗ ᓄᓇᓯᐅᒻᒥ ᐊᖁᓐᓂᐊᕐᓗᓂ ᓯᖓᐃᓗᓂᓘᓐᓃᑦ. ᐃᓄᐃᑦ ᓂᕈᐊᖅᑐᑦ ᐃᒪᕈᒪᓗᑎᒃ ᒪᓕᒍᓐᓇᖅᐳᑦ ᐅᑯᓂᖓ ᒪᓕᒐᐊᓕᖕᓂᑦ ᐃᒥᕐᓂᕐᒧᑦ ᑲᒪᑦᑎᐊᕐᓗᓂ ᐊᒻᒪᓗ ᒥᒃᖠᒋᐊᖅᑎᑦᑎᓗᓂ ᐱᑕᖃᑐᐃᓐᓇᕆᐊᓕᖕᒥ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ.
ᐊᖓᔪᖅᑳᑦ ᐱᒻᒪᕆᐅᔪᒥ ᐊᑐᕐᓂᖃᐅᑎᖃᕈᓐᓇᖅᐳᑦ ᐊᒃᑐᐃᓂᖏᓐᓂ ᓱᕈᓯᑦ ᐃᓕᖅᑯᓯᖃᕐᕕᒋᔭᖏᓐᓂ ᐃᒥᐊᓗᖕᒧᑦ. ᓱᕈᓰᑦ ᐃᓕᑦᑎᓲᖑᕗᑦ ᖁᙱᐊᖅᖢᑎᒃ ᖃᓄᖅ ᐊᓯᖏᑦ ᖃᓄᐃᓕᐅᖅᐸᖕᓂᖏᓐᓂ ᐃᒥᐊᓗᒃᑎᓪᓗᒋᑦ. ᐊᖓᔪᖅᑳᑦ ᐃᒥᐊᓗᓲᑦ ᐊᑦᑕᕐᓇᙱᑦᑐᒥ ᐊᒻᒪᓗ ᑲᒪᑦᑎᐊᖅᖢᑎᒃ ᐱᐅᔪᒥ ᐊᒃᑐᐃᓂᖃᕈᓐᓇᖅᐳᑦ ᕿᑐᙵᖏᑕ ᓂᕈᐊᒐᕆᔭᖏᓐᓂ ᐃᒥᐊᓗᖕᒥ ᐊᑐᕐᓂᕐᒧᑦ.
ᐊᒥᓱᓂ ᐱᓕᕆᓂᑕᖃᖅᐳᖅ ᐱᐅᔪᒥ ᐊᒃᑐᐃᓂᖃᕐᓂᕐᒧᑦ ᐃᓚᒌᖑᔪᓄᑦ:
- ᓂᕈᐊᕈᕕᑦ ᐃᒥᐊᓗᖃᑦᑕᕐᓂᕐᒧᑦ ᐊᖏᕐᕋᒥ ᓄᓇᓕᖕᓂᓘᓐᓃᑦ, ᐊᑦᑕᓇᙱᑦᑐᒥ ᐃᒥᖅᐸᒡᓗᑎᑦ ᐊᒻᒪᓗ ᑲᒪᑦᑎᐊᕐᓗᑎᑦ ᒪᓕᒡᓗᑎᑦ ᐊᑦᑎᒃᑐᒥ−ᐅᓗᕆᐊᓇᕐᓂᖓᓂ ᐃᒥᐊᓗᖕᓂᕐᒧᑦ ᒪᓕᒋᐊᓕᖕᓂᑦ.
- ᐊᓯᔾᔨᕈᒃ ᐅᓂᒃᑳᓕᐊᖑᔪᖅ ᐃᒥᐊᓗᖃᕐᓂᖓᓂ ᐊᖏᕐᕋᕐᓂᑦ. ᐅᓂᒃᑳᕆᓇᓱᐊᖅᑕᐃᓕᒪᕙᒡᓗᑎᑦ ᐃᒥᐊᓗᖕᓂᖅ ᐊᓕᐊᓇᐃᓐᓂᖓᓂ.
- ᐅᓂᒃᑳᖅᑐᐊᖅᐸᒡᓗᑎᑦ ᐃᓚᒋᔭᕐᓂᑦ ᓄᓇᓕᖕᓂᓘᓐᓃᑦ ᐊᑦᑕᓇᙱᑦᑐᒥ ᐃᒥᐊᓗᒍᒪᓯᒪᔪᓂᑦ ᐃᒥᐊᓗᖃᑦᑕᙱᑦᑎᐊᒻᒪᕆᒡᓗᑎᒡᓘᓐᓃᑦ.
- ᖃᓄᐃᓕᐅᒐᒃᓴᓕᐅᖅᐸᒡᓗᑎᑦ ᐊᒻᒪ ᖁᕕᐊᓱᒍᑎᒃᓴᓂ ᐃᒥᐊᓗᒃᑕᖃᙱᑦᑐᒥᑦ.
ᓱᕈᓰᑦ ᑕᑯᒍᑎᒃ ᐃᓐᓇᕐᓂ ᐃᒥᖅᑐᓂ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ, ᒪᓕᒐᔪᖕᓂᖅᓴᐅᓂᐊᖅᑐᑦ ᐆᒥᖓ ᐆᒃᑑᑎᐅᔪᒥ ᐃᒪᖃᑦᑕᕐᓂᐊᕈᒪᒍᑎᒃ ᓯᕗᓂᒃᓴᒥ.