ᕿᓚᒻᒥᐅᔪᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐅᓗᕆᐊᓇᕐᓂᐅᔪᑦ
ᐃᓚᖏᑦ ᐃᓄᐃᑦ ᐃᓱᒪᓲᖑᕗᑦ ᖃᓄᐃᙱᓐᓂᖓᓂ ᐋᖓᔾᔭᖃᑦᑕᕐᓂᕐᒧᑦ ᖁᕕᐊᓱᖕᓇᐅᑎᓪᓗᒍ. ᑭᓯᐊᓂ ᐃᒥᐊᓗᖕᒥ ᐃᒥᓗᐊᕐᓂᖅ ᐊᑕᐅᓰᕐᓗᓂᓘᓐᓃᑦ, ᐊᖏᒡᓕᒋᐊᖅᑎᑦᑎᔪᓐᓇᖅᐳᖅ ᐅᓗᕆᐊᓇᕐᓂᐅᔪᒥᒃ ᐱᕐᕈᓗᐊᕿᓂᕐᒥᑦ, ᐋᓐᓂᕐᓂᐅᔪᒥᒃ, ᐊᒻᒪᓗ ᐋᓐᓂᖅᓯᕆᓂᐅᔪᒧᑦ. ᕿᓚᒻᒥᐅᔪᒃᑯᑦ ᐋᓐᓂᐊᖃᕐᓇᕐᓂᕐᒧᑦ ᐊᒃᑐᐃᓂᐅᔪᑦ ᐱᒋᐊᕈᓐᓇᖅᐳᑦ ᐃᒥᖃᑦᑕᓕᕈᕕᑦ ᐃᒥᐊᓗᖕᒥ. ᐱᑎᑕᐅᓲᑦ ᐃᒥᐊᓗᖕᒥ ᐃᒥᓗᐊᖃᑦᑕᖅᑎᓪᓗᑎᑦ ᕿᓚᒻᒥᐅᓗᐊᖅᑐᒥ, ᐊᒻᒪ ᐊᓯᐃᓲᑦ ᐃᒥᐊᓗᓕᒫᖅ ᐊᓂᐊᑎᓪᓗᒍ ᑎᒥᖕᓂᑦ.
 |
ᖃᐅᔨᒪᕕᑦ ᑲᑎᑎᓪᓗᓂ ᐃᒥᐊᓗᖕᒥ ᐊᒻᒪ ᐃᓅᓕᓴᐅᑎᓂᒃ ᐅᓗᕆᐊᓇᕈᓐᓇᕐᓂᖏᓐᓂ?ᓘᒃᑖᒥᙶᖅᑐᒥᒃ ᐃᓅᓕᓴᐅᑎᑎᕈᕕᑦ, ᖃᐅᔨᒋᐊᕐᓗᑎᒃ ᐃᓗᐊᖅᓴᐃᔨᒧᑦ, ᓘᒃᑖᒧᑦ ᐄᔭᒐᓕᕆᔨᒧᓪᓘᓐᓃᑦ ᖃᐅᔨᓇᓱᐊᕐᓂᕐᒧᑦ ᐊᑦᑕᓇᙱᒃᑲᓗᐊᕐᒪᖔᑦ ᐃᒥᐊᓗᖕᒥ ᐃᒥᕐᓂᕐᒧᑦ. ᐃᒥᐊᓗᒃ ᐃᓅᓕᓴᐅᑎᓂᒃ ᐊᑑᑎᖃᙱᓐᓂᖅᓴᐅᑎᑦᑎᔪᓐᓇᖅᐳᑦ ᓴᙱᒃᑎᑦᑎᓗᐊᕐᓗᑎᒡᓘᓐᓃᑦ, ᐊᒻᒪᓗ ᐱᑎᑦᑎᓗᓂ ᐱᐅᙱᑦᑐᒥᒃ ᖃᓄᐃᓐᓂᐅᔪᒥᒃ. |