ᐃᑲᔪᕈᑎᑦ
ᒥᑭᑦᑑᑕᐅᓈᕐᓗᒋᑦ, ᐃᒥᐊᓗᐃᑦ ᐊᓕᐊᓇᐃᑦᑐᓐᓇᖅᐳᑦ. ᑭᓯᐊᓂ ᐃᒥᐊᓗᖕᒥ ᐃᒥᓗᐊᕐᓂᖅ ᐊᑕᐅᓰᕐᓗᓂᓘᓐᓃᑦ ᑐᕌᖅᑎᑦᑎᔪᓐᓇᖅᐳᖅ ᐃᓱᒪᓕᐅᕆᑦᑎᐊᙱᓐᓂᐅᔪᓂᑦ, ᐅᓗᕆᐊᓇᖅᑐᒥ ᐃᓕᖅᑯᓯᖃᕐᓂᕐᒧᑦ ᐊᒻᒪᓗ ᐃᒥᐊᓗᖕᒧᑦ ᑐᖁᓐᓇᖅᑐᖃᕐᓂᕐᒧᑦ. ᐊᑯᓂᐅᔪᒃᑯᑦ, ᐃᓄᒃ ᐃᒥᐊᓗᖕᓂᖅᓴᐅᖃᑦᑕᖅᐸᑦ ᐱᓇᓱᐊᕈᓯᑕᒫᒥ, ᐃᓄᒃ ᐱᕙᓪᓕᐊᑎᑦᑎᔪᓐᓇᖅᐳᖅ ᐱᓪᓚᕆᐅᔪᒥ, ᐊᑯᓂᐅᔪᒃᑯᑦ ᐋᓐᓂᐊᖃᕐᓇᕐᓂᕐᒧᑦ ᐊᑲᐅᙱᓕᐅᕈᑕᐅᔪᓂᑦ.
ᑲᓇᑕᐅᑉ ᐊᑦᑕᕐᓇᓗᐊᖏᑦᑐᒥ ᐃᒥᐊᓗᖃᑦᑕᕐᓂᕐᒧᑦ ᖃᐅᔨᒪᔾᔪᑎᖏᑦ ᐋᖅᑭᒃᑕᐅᓚᐅᖅᑐᑦ ᑎᓕᐅᕆᓂᕐᒧᑦ ᐃᓄᖕᓂᒃ ᐃᓱᓕᕝᕕᖃᖅᑎᓪᓗᒍ ᖃᓄᑎᒋ ᐃᒥᖃᑦᑕᕐᒪᖔᑕ ᐱᓇᓱᐊᕈᓯᑕᒫᑦ ᐃᒪᓐᓇ:
- ᒥᒃᖠᒋᐊᖅᑎᑦᑎᓗᓂ ᕿᓚᒻᒥᐅᔪᒃᑯᑦ ᐅᓗᕆᐊᓇᕐᓂᖓᓂ ᐋᓐᓂᕐᓂᐅᔪᓄᑦ, ᐱᕐᕈᓗᐊᕿᓂᐅᔪᓄᑦ ᐊᒻᒪᓗ ᐋᓐᓂᖅᓯᕆᓂᕐᓄᑦ; ᐊᒻᒪᓗ
- ᒥᒃᖠᒋᐊᖅᑎᑦᑎᓗᓂ ᐅᓗᕆᐊᓇᕐᓂᖓᓂ ᐃᒥᐊᓗᖕᒧᑦ−ᐱᔾᔪᑕᐅᔪᓄᑦ ᐋᓐᓂᐊᖃᕐᓇᕐᓂᕐᓄᑦ ᐊᑲᐅᙱᓕᐅᕈᑕᐅᔪᓂ ᓲᕐᓗ ᑳᓐᓱ, ᐆᒻᒪᑎᒧᑦ ᐋᓐᓂᐊᕐᓇᓂᑦ, ᓄᑮᖅᑎᑦᑐᑦ ᐊᒻᒪ ᑎᖑᖕᒧᑦ ᐋᓐᓂᐊᕐᓇᓂᑦ
ᑕᒪᓐᓇ ᐃᓚᖓ ᑐᓂᓯᓂᖃᖅᐳᖅ ᐃᑲᔪᕈᑎᒃᓴᓂᒃ ᒥᒃᖠᒋᐊᖅᑎᑦᑎᓂᕐᒧᑦ ᐅᓗᕆᐊᓇᕐᓂᖓᓂ ᐃᒥᐊᓗᖕᒧᑦ−ᐱᑎᑕᐅᔪᒧᑦ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ ᐊᑯᓂᐅᔪᒃᑯᑦ ᐊᒻᒪᓗ ᖃᓄᖅ ᐊᑦᑕᓇᔾᔭᐃᖅᓯᒪᔪᓐᓇᕐᓂᕐᒥᑦ ᐃᒥᐊᓗᒃᑎᓪᓗᑎᑦ ᐊᑕᐅᓯᐊᖅᑐᒥᑦ.