ᖃᓄᖅ ᖃᐅᔨᔪᓐᓇᖅᐱᑦ ᒪᒃᑯᒃᑐᑦ ᐃᒥᐊᓗᖃᑦᑕᕐᓂᖏᓐᓂ
ᑲᑉᐱᐊᓇᕈᓐᓇᖅᐳᖅ ᖃᐅᔨᓂᕐᒥ ᕿᑐᙵᐃᑦ ᐃᒥᐊᓗᒃᑐᕕᓂᐅᒍᓂ. ᑭᓯᐊᓂ ᑲᐸᓗᐊᖅᑕᐃᓕᒋᑦ. ᑕᒪᕐᒥᒃ ᓄᑕᖅᑲᐃᑦ ᐃᒥᐊᓗᓲᑦ ᐃᒥᕐᓂᐊᙱᓚᑦ ᐊᒃᑐᕐᓂᕐᓗᒃᑎᑦᑎᓂᖃᖅᑐᒥᑦ ᐅᕝᕙᓘᓐᓃᑦ ᐱᕙᓪᓕᐊᑎᑦᑎᓗᑎᒃ ᐃᒥᐊᓗᖕᓂᕐᒥ ᐊᑲᐅᙱᓕᐅᕈᑎᑖᕐᓗᑎᒃ ᑭᖑᓂᐊᒍᑦ ᐃᓅᓯᖏᓐᓂ.
ᑭᓯᐊᓂ, ᐱᒻᒪᕆᐅᕗᖅ ᓱᑭᓯᐅᒪᓂᕐᒥ ᕿᑐᙵᖅᐱᑦ ᐃᒥᐊᓗᖕᓂᕐᒧᑦ ᐃᓕᖅᑯᓯᖃᕐᕕᒋᔭᖓ, ᐊᒻᒪᓗ ᐆᒃᑐᕋᑐᐃᓐᓇᕈᑎᒃ ᐃᒥᐊᓗᖕᒧᑦ, ᑲᒪᒋᔭᖃᑦᑎᐊᕐᓂᖏᓐᓂ ᐃᓅᖃᑎᒌᖕᓂᐅᔪᓂ ᖃᓄᐃᓐᓂᐅᔪᓂᑦ, ᐅᕝᕙᓘᓐᓃᑦ ᐃᒥᐊᓗᖕᓂᕐᒧᑦ ᐊᒃᓱᕉᑎᖃᕐᓂᕐᒧᑦ/ᐃᒃᐱᒋᔭᓂᐅᔪᓄᑦ ᑐᕌᖅᑎᑦᑎᔪᓐᓇᖅᑐᓂ ᑎᒥᒃᑯᑦ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ ᐊᒻᒪᓗ ᓯᕗᓂᒃᓴᒧᑦ ᐊᑐᓕᒪᓕᕐᓂᕐᒧᑦ.
ᐅᑯᐊ ᓇᓗᓇᐃᒃᑯᑕᐅᕗᑦ ᕿᑐᙵᑎᑦ ᐊᑲᐅᙱᓕᐅᕈᑎᖃᑐᐃᓐᓇᕆᐊᖃᕐᓂᖏᓐᓂ ᐃᒥᐊᓗᖕᒧᑦ:**
- ᐃᓱᒪᖓ ᐊᓯᔾᔨᖅᑕᖅᑐᖅ, ᐸᒡᕕᓴᕋᐃᓐᓂᖓ ᓂᙵᒃᓴᕋᐃᓐᓂᖓᓗ ᐱᔾᔪᑎᒃᓴᖃᔮᖅᑑᔮᕐᓇᓂ.
- ᐊᓯᔾᔨᕐᓄᐊᕐᓂᐅᔪᓂ ᐃᓕᓐᓂᐊᕐᕕᖕᒥ ᐱᓕᕆᓂᖓᓂ, ᐃᓕᓐᓂᐊᕆᐊᙱᓚᐅᖅᐸᒃᖢᓂ ᖃᓄᐃᓕᐅᕐᓘᑎᖃᖅᐸᒡᓗᓂᓗ.
- ᐃᒃᐱᒍᓱᑦᑎᐊᕐᓂᖃᙱᓪᓗᓂ ᐃᓕᖅᑯᓯᖃᕐᕕᒋᔭᖃᕐᓂᖅ ᐊᒻᒪᓗ ᐊᑭᕋᖅᑐᕐᓂᖅ ᐃᓚᒌᓄᑦ ᒪᓕᒐᖏᓐᓂ.
- ᐊᓯᐅᔨᓂᖅ ᐱᓕᕆᕙᓚᐅᖅᑕᒥᓂᑦ ᖃᓄᐃᓕᐅᕈᓯᕕᓂᖏᓐᓂ ᐊᓕᐊᓇᐃᒋᕙᓚᐅᖅᑕᒥᓂᑦ.
- ᓇᖕᒥᓂᖅ ᑕᐅᑦᑐᒥᓂᒃ ᓴᓗᒪᓂᖓᓂᓗ ᐃᓱᒪᔪᓐᓃᕐᓂᕐᒥᓂᑦ.
- ᑕᖃᓯᒪᓂᖅ, ᕿᑲᕈᓐᓇᙱᓐᓂᖅ, ᑕᖃᖓᓂᖅ ᓂᑲᓪᓗᖓᓂᕐᓗ.
- ᓂᕆᔪᒪᔪᓐᓃᕐᓂᖅ.
- ᑎᒥᒥᒍᑦ ᐃᓱᒪᒥᒍᓪᓗ ᐊᑲᐅᙱᓕᐅᕈᑎᖃᕐᓗᓂ ᐃᓚᖃᕐᓗᓂ ᐃᖅᑲᐅᒪᓂᕐᒧᑦ ᐊᓯᐅᔨᓂᕐᒥᑦ, ᑕᐅᑐᒃᑕᑐᐊᖃᑲᐃᓐᓇᕈᓐᓇᙱᓐᓂᕐᒧᑦ, ᐃᔨᖏᑦ ᕿᓪᓕᖅᑐᑦ ᐊᐅᐸᖅᑐᓪᓘᓐᓃᑦ, ᐊᐅᓚᓂᖃᑦᑎᐊᕈᓐᓇᙱᑦᑐᖅ ᐅᖃᕐᓂᖓᓗ ᖃᓱᖓᔫᔮᕐᓗᓂ.
- ᐅᓂᒃᑳᕆᔪᓐᓇᙱᑕᖓᓂ ᐋᓐᓂᕐᓂᐅᔪᑦ.
- ᐃᓄᑑᒐᔪᒡᓗᓂ ᐃᓕᒡᓗᕈᓯᖓᓃᒐᔪᒡᓗᓂᓗ.
- ᓇᓂᓗᒋᑦ ᐋᖓᔮᖅᑐᑦ ᐃᒥᐊᓗᒃᓱᓐᓂᓪᓗᑎᒡᓗ ᐊᓂᕐᓂᖓᑦ.
**ᐃᓚᖏᑦ ᐅᑯᓇᓐᓂ ᓇᓗᓇᐃᒃᑯᑕᐅᔪᑦ ᐊᔾᔨᐸᓗᒋᔪᓐᓇᖅᐸᐅᒃ ᑕᐃᒪᓐᓇᐅᒐᔪᒃᑐᒥ ᐱᕙᓪᓕᐊᑎᑕᐅᓂᖓᓂ ᐊᓯᔾᔨᖅᐸᓪᓕᐊᓂᐅᔪᒥ ᐃᓅᓱᒃᑐᑦ ᐊᑐᖅᐸᒃᑕᖏᓐᓂ, ᑕᐃᒫᒃ ᐱᒻᒪᕆᐅᕗᖅ ᐃᓱᒪᓕᐅᕆᑕᐅᑎᒋᑦᑕᐃᓕᓂᕐᒥᑦ. ᑭᓯᐊᓂ, ᐱᒻᒪᕆᐅᕗᖅ ᐅᖃᓪᓚᖃᑎᒋᓂᕐᒧᑦ ᐃᓱᒫᓘᑎᒋᔭᕐᓂᑦ ᐊᒻᒪᓗ ᐃᑲᔪᕋᓱᐊᕐᓗᒋᑦ ᑐᑭᓯᐅᒪᒃᑲᓐᓂᕐᓂᖏᓐᓂ ᓇᖕᒥᓂᖅ ᐃᒃᐱᒋᔭᖏᓐᓂ ᐊᒻᒪᓗ ᐃᓕᖅᑯᓯᖓᓐᓂᑦ. ᐃᖅᑲᐅᒪᖃᑦᑕᕐᓗᑎᑦ ᐃᑲᔪᖅᑕᐅᔪᒪᓂᕐᒧᑦ ᐃᑲᔪᖅᓯᖅᑕᐅᒃᑲᓐᓂᕆᐊᖃᕈᕕᑦ ᐃᓕᖕᓄᑦ ᕿᑐᙵᕐᓄᓪᓘᓐᓃᑦ. ᐃᓗᐊᖅᓴᐃᔨᐅᔪᓐᓇᖅᑐᖅ, ᓄᓇᓕᖕᒥᐅᑕᒥᒃ ᐅᒃᐱᕆᔭᕐᓂᑦ ᐃᓱᒪᓕᕆᔨᒥᓪᓘᓐᓃᑦ.
ᖃᓄᐃᓕᐅᕐᓂᐅᔪᖅ ᕿᓂᕐᓂᕐᒧᑦ ᒪᒃᑯᒃᑐᑦ ᐃᒥᐊᓗᖃᑦᑕᕐᓂᖏᓐᓂ
ᕿᑐᙵᑎᑦ ᐃᒪᐊᓗᖃᑦᑕᕋᓱᒋᒍᕕᒋᑦ ᐊᒻᒪᓗ ᐃᓱᒫᓗᒃᑯᕕᑦ ᐊᑲᐅᙱᓕᐅᕈᑎᙳᓕᕐᓂᖓᓂ, ᑕᒪᓐᓇ ᖃᓄᐃᓕᐅᕐᓂᐅᔪᖅ ᐃᑲᔪᕈᓐᓇᖅᐳᖅ ᕿᓂᕐᓂᕐᒧᑦ ᐃᒥᐊᓗᒃ ᐊᒃᑐᐃᓂᐅᔪᓐᓇᖅᑐᓂᑦ ᐃᓅᓯᖓᓐᓂᑦ.
ᑎᑎᕋᐃᖁᓗᒋᑦ ᐃᖅᑲᐃᑎᑦᑎᓂᐅᔪᓐᓇᖅᑐᒥ ᑭᓱᑦ ᐱᒻᒪᕆᐅᓂᖏᓐᓂ ᐃᒻᒥᖕᓄᑦ ᐊᒻᒪᓗ ᑭᓱᑦ ᐱᔪᒪᔭᖏᓐᓂ ᓯᕗᓂᒃᓴᖓᓐᓄᑦ.
ᐆᒃᑑᑎᐅᔪᑦ ᐱᖁᑎᓂᑦ ᐃᓅᓯᖏᓐᓂ ᐱᒻᒪᕆᐅᔪᓂ ᐃᓚᖃᕈᓐᓇᖅᐳᑦ ᐅᑯᓂᖓ:
- ᐃᓚᒌᑦ
- ᐱᖃᓐᓇᕆᔭᐃᑦ
- ᐱᙳᐊᕐᓂᑦ
- ᐃᓕᓐᓂᐊᕐᓂᖅ
- ᐃᖅᑲᓇᐃᔮᒥ (ᐱᖃᕈᑎᒃ)
- ᑮᓇᐅᔭᑦ
- ᐊᐃᑉᐸᕇᖕᓂᑦ
- ᖃᓄᐃᓕᐅᕐᓂᐅᔪᑦ ᓲᕐᓗ ᐊᖑᓇᓱᖕᓂᕐᒥ, ᐃᖃᓗᒐᓱᖕᓂᕐᒥ, ᓴᓇᙳᐊᕐᓂᖅ, ᓂᕿᓕᐅᕐᓂᖅ, ᒥᖅᓱᕐᓂᖅ
ᐱᔭᕇᖅᐸᑕ, ᐅᑯᐊ ᖃᔅᓯᐊᕐᔪᐃᑦ ᐊᑐᖁᔭᐅᓇᔭᖅᑐᓂ ᐊᐱᖅᑯᑕᐅᔪᓂᑦ ᐊᐱᕆᔪᓐᓇᖅᑕᑎᑦ ᕿᑐᙵᕐᓄᑦ:
- ᐃᒥᐊᓗᖃᑦᑕᕐᓂᖅ ᐱᐅᙱᑦᑐᒥ ᐊᒃᑐᖅᓯᒪᕙ ᐱᐅᙱᑦᑐᒥ ᐅᑯᓇᓂ ᐃᓅᓯᕆᔭᕐᓂᑦ? ᐊᒻᒪᓗ ᑕᐃᒪᐃᒃᑯᓂ, ᖃᓄᖅ?
- ᐃᒥᐊᓗᖃᑦᑕᕐᓂᖅ ᐱᔪᓐᓇᖅᑎᑦᑎᓲᖑᕙ ᐱᓕᕆᐊᕆᔪᒪᕙᒃᑕᕐᓂᑦ, ᐅᕝᕙᓘᓐᓃᑦ ᓄᖅᑲᖅᑎᑦᑎᓯᒪᕙ ᐱᓕᕆᔪᒪᕙᒃᑕᕐᓂᑦ?
- ᖃᓄᖅ ᐊᔾᔨᒋᙱᓐᓇᔭᖅᑰᖅᐸᖓ ᐃᓅᓯᕐᓂᑦ ᐃᒥᐊᓗᙱᓐᓂᖅᓴᐅᒍᕕᑦ ᐅᕝᕙᓘᓐᓃᑦ ᐃᒥᐊᓗᖃᑦᑕᙱᑦᑎᐊᒻᒪᕆᒃᑯᕕᑦ?
- ᑭᓱ ᐊᒡᕕᐊᕈᑕᐅᓛᖑᓇᔭᖅᑰᖅᐸ ᐃᓕᖕᓄᑦ ᐊᓯᔾᔨᕐᓂᐅᔪᒧᑦ ᐊᒻᒪᓗ ᐃᒥᙱᓐᓂᖅᓴᐅᓕᕐᓗᑎᑦ ᐊᑦᑕᓇᙱᓐᓂᖅᓴᐅᔪᒃᑯᓪᓘᓐᓃᑦ?
- ᑭᓱᓂᒃ ᐊᔪᕐᓇᙱᑎᑦᑎᓂᖅᓴᐅᓇᔭᖅᐸ ᐃᓕᖕᓄᑦ ᐊᓯᔾᔨᕐᓂᕐᒧᑦ ᐃᒥᐊᓗᒃᐸᖕᓂᕐᓂᑦ?
- ᐊᓯᔾᔨᕐᓂᐊᕐᓂᕈᕕᑦ ᖃᓄᖅ ᐃᒥᐊᓗᒃᐸᖕᓂᕐᓂ, ᑭᓱᓂᒃ ᐱᓕᕆᓂᖃᕋᔭᖅᐱᑦ ᑕᐃᒪᐃᓕᕐᓂᐊᕐᓂᖓᓄᑦ? ᓲᕐᓗ, ᐸᕐᓇᐃᓂᕐᒥ ᐃᒥᐊᓗᖃᙱᑦᑐᒥ ᖃᓄᐃᓕᐅᕐᓂᐅᔪᓂᑦ ᐱᖃᓐᓇᕆᔭᕐᓂᑦ; ᐅᖃᐅᔾᔨᓂᕐᒥᑦ ᐱᖃᓐᓇᕆᔭᕐᓂᑦ ᓯᕗᓂᐊᒍᑦ ᐃᒥᐊᓗᔾᔮᙱᓐᓂᕐᓂ; ᑭᒡᓕᖃᖅᑎᑦᑎᓂᖅ ᐃᒥᐊᓗᒃᑕᕐᓂᑦ ᐊᑕᐅᓯᑐᐊᕐᒧᑦ.