ᐊᑦᑎᒃᑐᒥ−ᐅᓗᕆᐊᓇᕐᓂᖓᓂ ᐃᒥᐊᓗᖕᒥ ᐃᒥᕐᓂᕐᒧᑦ ᒪᓕᒋᐊᓖᑦ
ᑲᓇᑕᐅᑉ ᐊᑦᑎᒃᑐᒥ−ᐅᓗᕆᐊᓇᕐᓂᖓᓂ ᐃᒥᐊᓗᖕᒥ ᐃᒥᕐᓂᕐᒧᑦ ᒪᓕᒋᐊᓖᑦ (ᐊᑦᑎᒃᑐᒥ−ᐅᓗᕆᐊᓇᕐᓂᖓᓂ ᐃᒥᐊᓗᖕᒥ ᐃᒥᕐᓂᕐᒧᑦ ᒪᓕᒋᐊᓖᑦ) ᐱᕙᓪᓕᐊᑎᑕᐅᓚᐅᖅᐳᑦ ᐃᑲᔪᕐᓂᕐᒧᑦ ᑲᓇᑕᒥᐅᑕᓂᒃ ᒥᒃᖠᒋᐊᖅᑎᑕᐅᓂᖏᓐᓂ ᕿᓚᒻᒥᐅᔪᒃᑯᑦ ᐊᒻᒪᓗ ᐊᑯᓂᐅᔪᒃᑯᑦ ᐃᒥᐊᓗᖕᒧᑦ−ᐱᔾᔪᑕᐅᔪᓄᑦ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ. ᐅᖃᐅᓯᖃᖅᐳᑦ ᐃᒥᐊᓗᖕᓂ ᐃᒥᖅᑕᐅᒐᔪᒃᑐᓂ ᓲᕐᓗ ᕙᐃᓂ, ᐱᐊ ᐊᒻᒪᓗ ᓴᙱᔪᑦ ᐃᒥᐊᓗᐃᑦ, ᑕᒪᒃᑭᑦ ᐊᑐᕐᓂᕐᓗᒃᑎᑦᑎᔪᓐᓇᖅᑐᐃᓐᓇᐅᖕᒪᑕ.
ᐊᑦᑎᒃᑐᒥ−ᐅᓗᕆᐊᓇᕐᓂᖓᓂ ᐃᒥᐊᓗᖕᒥ ᐃᒥᕐᓂᕐᒧᑦ ᒪᓕᒋᐊᓖᑦ ᑐᕌᖓᙱᑦᑐᑦ ᐊᔭᐅᕆᓂᕐᒧᑦ ᐃᓄᖕᓂ ᐃᒥᖅᑕᐃᓕᒪᑎᑦᑎᓂᕐᒧᑦ ᐃᒥᐊᓗᖕᒥ. ᐅᓂᒃᑳᕆᕗᑦ ᐃᓄᖕᓄᑦ ᐃᒪᕈᒪᕙᒃᑐᓄᑦ ᐃᒥᐊᓗᖕᒥ, ᐃᒥᕐᓂᖅ ᐅᖓᑖᓄᑦ ᐃᒪᐃᖁᔭᐅᓇᔭᖅᑐᒥᒃ ᐊᖏᓂᖓᓐᓂ ᐊᖏᓂᖅᓴᒧᑦ ᐅᓗᕆᐊᓇᕐᓂᕐᒦᑎᑦᑎᔪᓐᓇᕐᓂᖓᓂ ᐋᓐᓂᕐᓂᐅᔪᓄᑦ ᐅᕝᕙᓘᓐᓃᑦ ᐊᑯᓂᐅᔪᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪᓗ ᐃᓅᖃᑎᒌᖕᓂᕐᒧᑦ ᐊᑲᐅᙱᓕᐅᕈᑕᐅᔪᓄᑦ, ᐃᓚᖃᖅᖢᓂ ᐃᒥᐊᓗᖕᒧᑦ ᐅᐃᕆᓯᒪᓕᕐᓂᖏᓐᓄᑦ ᐊᑐᒐᔪᓕᕐᓂᖃᕐᓗᓂᓘᓐᓃᑦ.
ᐱᒻᒪᕆᐅᕗᖅ ᐃᖅᑲᐅᒪᓂᕐᒧᑦ ᑖᒃᑯᐊ ᒪᓕᒋᐊᓖᑦ “ᐊᑦᑎᒃᑐᒥ−ᐅᓗᕆᐊᓇᕐᓂᖓᓂ” ᒪᓕᒋᐊᓕᐅᕗᑦ − ᐅᓚᐅᙱᑦᑎᖅ “ᐅᓗᕆᐊᓇᕐᓂᖃᙱᑦᑐᒥᒃ” ᒪᓕᒋᐊᓖᑦ. ᐅᓗᕆᐊᓇᕐᓂᖃᐃᓐᓇᐅᔭᖅᐳᖅ ᐃᒥᐊᓗᖕᒥ ᐊᑐᕐᓂᕐᒧᑦ.
ᐃᒪᐃᖁᔭᐅᓇᔭᖅᑐᑦ ᑭᒡᓕᐅᔪᓂᑦ
ᓇᕿᓪᓗᒍ ᐅᕘᓇ ᐃᑲᔪᕈᑎᓄᑦ ᖃᓄᖅ ᒥᒃᖠᒋᐊᖅᑎᑦᑎᓂᕐᒥᑦ ᐅᓗᕆᐊᖅᑐᒦᓐᓂᕐᓂᑦ.
 |
ᖃᐅᔨᒪᕕᑦ ᐅᑭᐅᕆᔭᐃᑦ ᐊᑑᑎᖃᕐᓂᖓᓂ?ᐃᓄᐃᑦ ᖃᔅᓯᑐᐃᓐᓇᓂ ᐅᑭᐅᓖᑦ ᐅᔾᔨᕈᓱᑦᑎᐊᕆᐊᖃᕐᓂᖏᓐᓂ ᖃᓄᑎᒋ ᐃᒥᕐᓂᖏᓐᓂ, ᐱᒻᒪᕆᐅᕗᖅ ᐃᓄᑐᖃᑦ (65 ᐅᖓᑖᓂ) ᐃᒥᓪᓗᐊᖅᐳᑦ ᑭᒡᓕᐅᔪᑦ ᑐᖔᓂ ᐊᑐᖁᔭᐅᓇᔭᖅᑐᒥᒃ ᐊᑦᑎᒃᑐᒥ−ᐅᓗᕆᐊᓇᕐᓂᖓᓂ ᐃᒥᐊᓗᖕᓂᕐᒧᑦ ᒪᓕᒋᐊᓕᖕᓂᑦ. ᐃᓄᐃᑦ ᐃᓐᓇᕈᖅᐸᓪᓕᐊᑎᓪᓗᒋᑦ, ᐊᒃᑐᖅᑕᐅᓴᕋᐃᓐᓂᖅᓴᐅᕗᑦ ᐃᒥᐊᓗᖕᒧᑦ ᑎᒥᖓᑦ ᓱᕋᑦᑎᕙᓪᓕᐊᓲᖑᖕᒪᑕ ᐃᒥᐊᓗᖕᒥ ᓱᒃᑲᐃᓐᓂᖅᓴᐅᔪᒥᒃ. ᑕᒪᓐᓇ ᑐᑭᖃᖅᐳᖅ ᐃᒥᐊᓗᒃ ᓴᙱᓂᖅᓴᐅᔪᒥᒃ ᐊᒃᑐᐃᓂᖃᕐᓂᖓᓂ ᐊᒻᒪᓗ ᐊᑯᓂᐅᓂᖅᓴᐅᔪᓐᓇᖅᖢᓂ ᑎᒥᐅᔪᒥᑦ. ᐊᖏᒡᓕᒋᐊᖅᑎᑦᑎᔪᓐᓇᖅᐳᖅ ᐋᓐᓂᑐᐃᓐᓇᕆᐊᖃᕐᓂᖏᓐᓂ ᐱᕐᕈᓗᐊᕿᓂᐅᔪᓄᑦ, ᐹᓪᓚᖕᓂᕐᒧᑦ ᐊᒻᒪᓗ ᐱᐅᙱᑎᑦᑎᒋᐊᓪᓚᖕᓂᕐᒥᑦ ᐋᓐᓂᐊᖃᕐᓇᕐᓂᖓᓄᑦ ᐊᑲᐅᙱᓕᐅᕈᑕᐅᔪᓂᑦ. |