ᖃᓄᖅ ᒥᒃᖠᒋᐊᖅᑎᑦᑎᓂᕐᒧᑦ ᐊᑯᓂᐅᔪᒃᑯᑦ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ

ᒥᒃᖠᒋᐊᖅᑎᑦᑎᓗᓂ ᐅᓗᕆᐊᓇᕐᓂᖓᓂ ᐃᒥᐊᓗᖕᒧᑦ−ᐱᔾᔪᑕᐅᔪᓄᑦ ᐋᓐᓂᐊᖃᕐᓇᕐᓂᕐᓄᑦ ᐊᑲᐅᙱᓕᐅᕈᑕᐅᔪᓂ ᓲᕐᓗ ᑳᓐᓱ, ᐆᒻᒪᑎᒧᑦ ᐋᓐᓂᐊᕐᓇᓂᑦ, ᓄᑮᖅᑎᑦᑐᑦ ᐊᒻᒪ ᑎᖑᖕᒧᑦ ᐋᓐᓂᐊᕐᓇᓂᑦ.

ᐃᒥᕐᓂᐊᕈᕕᑦ, ᐱᐅᓂᖅᐹᖑᔪᖅ ᒥᒃᖠᒋᐊᖅᑎᑦᑎᓂᕐᒧᑦ ᐅᓗᕆᐊᕐᓇᕐᓂᕆᔭᕐᓂᑦ ᐃᒥᕐᓗᖕᒥ−ᐱᑎᑕᐅᔪᒧᑦ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ ᒥᒃᖠᒋᐊᖅᑎᑦᑎᓗᓂ ᐊᖏᓂᐅᔪᒥ ᐃᒥᖅᐸᒃᑕᖏᓐᓂ ᐊᒻᒪᓗ ᒪᓕᒡᓗᑎᑦ ᐊᑦᑎᒃᑐᒥ−ᐅᓗᕆᐊᓇᕐᓂᖓᓂ ᐃᒥᐊᓗᖕᒥ ᐃᒥᕐᓂᕐᒧᑦ ᒪᓕᒋᐊᓕᖕᓂᑦ.

ᐃᑲᔪᕈᑎᒃᓴᓂᒃ ᒥᒃᖠᒋᐊᖅᑎᑦᑎᓂᕐᒧᑦ ᐅᓗᕆᐊᓇᕐᓂᖓᓂ ᐃᒥᐊᓗᖕᒧᑦ−ᐱᑎᑕᐅᔪᒧᑦ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ ᐊᑯᓂᐅᔪᒃᑯᑦ:

ᑭᒡᓕᖃᖅᑎᑦᑎᓗᑎᑦ ᐃᒥᖅᑕᕐᓂᑦ ᐊᑦᑎᒃᑐᒥ−ᐅᓗᕆᐊᓇᕐᓂᖓᓂ ᐃᒥᐊᓗᖕᒥ ᐃᒥᕐᓂᕐᒧᑦ ᒪᓕᒋᐊᓕᖕᓂᑦ.

ᖃᐅᔨᓴᕐᓗᑎᑦ ᖃᓄᑎᒋ ᐃᒥᖅᐸᖕᓂᕐᓂ ᖃᐅᑕᒫᒥᒃ ᐊᒻᒪ ᐱᓇᓱᐊᕈᓯᕐᒥ ᐃᒥᖅᐸᖕᓂᕆᔭᕐᓂᑦ.

ᐅᖓᑖᓅᙱᑦᑐᖅ ᒪᕐᕉᖕᓂᒃ ᐃᒥᕐᓂᖅ ᐱᓇᓱᐊᕈᓯᑕᒫᖅ ᐊᖑᑎᓄᑦ ᐊᕐᓇᓄᓪᓗ.

ᐱᓗᑎᑦ ᐅᖓᑖᓅᙱᑦᑐᖅ ᐊᑕᐅᓯᕐᒥ “ᐃᒥᐊᓗᒃᑕᐅᒐᔪᒃᑐᒥᒃ” ᐃᒥᕐᓂᕐᒥᑦ ᐊᑐᓂ ᐃᑲᕐᕋᒥᒃ (ᐊᒻᒪᓗ ᐅᖓᑖᓅᙱᑦᑐᖅ ᒪᕐᕉᖕᓂ ᐃᒥᕐᓂᐅᔪᓂᑦ ᐃᑲᕐᕋᓄᑦ ᐱᖓᓱᓄᑦ).

ᓂᕆᓗᑎᑦ ᐃᒥᓚᐅᙱᓐᓂᕐᓂ ᐊᒻᒪᓗ ᐃᒥᐅᔮᕐᔪᒃᑎᓪᓗᑎᑦ. ᐃᑲᔪᕐᓂᖃᕐᓂᐊᖅᐳᖅ ᓱᒃᑲᐃᑦᑐᒥᒃ ᐃᔅᓴᖕᓂᖓᓂ ᐃᒥᐊᓗᖕᒥᑦ ᑎᒥᖕᓄᑦ.

ᐸᕐᓇᐃᕙᒡᓗᑎᑦ ᐅᓪᓘᖕᓂ ᒪᕐᕉᖕᓂ ᐅᖓᑖᓄᓪᓘᓐᓃᑦ ᐃᒥᐊᓗᒃᐸᙱᓐᓂᕐᒥ ᐱᓇᓱᐊᕈᓯᑕᓵᒥ ᐅᐃᕆᓯᒪᔾᔭᐃᖅᓯᒪᓂᐊᕋᕕᑦ.

ᑲᑎᑦᑎᙱᓪᓗᒋᑦ ᐃᒥᐊᓗᒃ ᓘᒃᑖᒥᙶᖅᑐᒥ ᐃᓅᓕᓴᐅᑎᓂᒃ ᐋᖓᔮᕐᓇᖅᑐᓂᓪᓘᓐᓃᑦ. ᐃᒥᐊᓗᒃ ᐃᓅᓕᓴᐅᑎᓂᒃ ᐊᑑᑎᖃᙱᓐᓂᖅᓴᐅᑎᑦᑎᔪᓐᓇᖅᐳᑦ ᓴᙱᒃᑎᑦᑎᓗᐊᕐᓗᑎᒡᓘᓐᓃᑦ, ᐊᒻᒪᓗ ᐱᑎᑦᑎᓗᓂ ᐱᒻᓚᕆᐅᔪᒥ ᐊᒃᑐᕐᓂᕐᓗᒃᑎᑦᑎᓂᐅᔪᒥᒃ.

ᐅᖃᖃᑎᖃᕐᓗᑎᑦ ᐱᖃᓐᓇᕆᔭᒥᒃ ᐃᓚᖕᓂᓪᓘᓐᓃᑦ ᐃᓕᖕᓂᑦ ᐃᑲᔪᕐᓂᒥᑦ ᐊᑦᑕᑕᕐᓂᕐᓄᑦ ᑭᒡᓕᒋᔭᕐᓄᑦ.

ᓇᕿᓪᓗᒍ ᐅᕘᓇ ᐅᖃᐅᓯᒃᓴᓄᑦ ᖃᖓ 0−ᒥ ᐃᒥᕐᓂᕐᒧᑦ ᐊᑦᑕᓇᙱᓛᖑᓂᖓᓂ.

ᐃᕝᕕᑦ ᐊᓯᖕᓂᓪᓘᓐᓃᑦ ᖃᐅᔨᒪᔭᖃᕈᕕᑦ ᐊᒃᓱᕉᑎᖃᖅᑐᒥ ᐃᒥᐊᓗᖕᒧᑦ, ᐅᖃᖃᑎᖃᕐᓗᑎᑦ ᐱᖃᓐᓇᕆᔭᕐᓄᑦ, ᐃᓚᒋᔭᕐᓄᑦ, ᐃᓅᓯᓕᕆᔨᒧᑦ, ᐃᓄᑐᖃᕐᒧᓪᓘᓐᓃᑦ ᐊᑑᑎᒋᔭᕐᓄᑦ ᒥᒃᓵᓄᑦ. ᐃᑲᔪᖅᑕᐅᒃᑲᓐᓂᕐᓂᕐᒧᑦ ᓇᕿᒍᒃ ᐅᕘᓇ.