Inminiirahuaqtut
Piqangittuq atauhiuyuq huuq ilangit inuit inminiirahuanginnaqtut. Kihimi Nunavunmi, naunaittuq hakugiktumik atayuq ukunanit imiinaqpiaqtut unalu inminiirahuaqtut. Imiq angmaqpagait mihigilluaqtammiknik itqaumaninngillu qangaraalukmit tuqutauniqmik uluriahukniqmikluuniit. Hapkut mihiknaqtut hakugikpiaqtaaqtut ihumaaluktitauyuq, in’ngummaktitauyuqlu ilarahukhuniluuniit. Atuffaaqtait hapkuat itqaumaniit imiqtilluni qayangnautigiyauyut inuup aaniqtailininnganik, aaniqtailiniqlu aadlanut inuknut.
Nunavunmi ublumi, inminiirahuaqtut nampangit inuinnainnit inuulrammiit piyuq ihumaaluknaqpiamik nampanik. Taimaa, Inuit nampangit tuqudjutinga inminiiqhuni tadja 11nik amigairyuumiutiyuq aadlanit nunaryuaptiknik tamaat, malruuknit pingahunit inminiirahuaqtut ukiuqaqtut ataani 24.
Tamna Nunavut Inminirniqnmun Pittailini Atugakhaliat tuhaqhitautigiya inulgammiit inuit hivuganaqniqmittut inminirniqmun pitrquhit pikpata:
- akhugutiqaqhimani aanirniqmik nutagaunit atuqhimani, tamnatut hugiyaungitni, timimun pittiangitauni ivaniqmutluniit pittiangitauni
- akhuqtut ihumaliqutinut akhugutainit, tamnalu
- aturniqlukni imirluk tamnalu/tamnaluniit aangayarnaqtut
Pikmat Inuit Inuuhinginnik Naunaiyaininnganit, 36 pusantnguyuq inuit apirhuqtauyut uqaqtut inminiirahuaqpaktut, atauhiuyuq pingahunit hapkuat inuit uqaqtut imingayut inminiirahuaqtilluni.
Ikayuqtauyumavit?
Ilvit kinaluuniit ilihimayarnik inminiirumanahuarumik, munarhiliaqtukhaugaluat hivayarluguluuniit Kamatsiaqtut Ikayuut Hivayautinga (1-867-979-3333) Nunavuutim 24/7 inminiirahuaqtut ayurhaqpialirumiklu hivayaut.
Naunairyuumirumaguvit uumuuna Ihumamitigut aaniarutauyut ihumaalutigiyauyut naqillutit hamunga.