Imingitpat kiklikhanguraangat
 |
Tamna Mikkarmik-Qayangnautiuq Imiraangat Maliktakhaq tuniyuq qanuqtut piyakhaq IMIQNAITTUMIK ikikliyuumiutigiami aaniaqtailininga inungnullu aaniqtailigiami. |
Taimaa IMINGITKUMI qayangnaitqiyauyuq:
 |
Akhaluutiturumi, sikiituurumi, qayauyarumi, haantamikluuniit. |
 |
Aturumi hanalrutinik atuqtakhamiknikluuniit. |
 |
Hingaiyaqhimakpat, hingaiyarumagumiluuniit maamaktinnahualirumiluuniit. Imiq maamakmi aungani qayangnaqtut biibimut unalu qanuraaluktut imingitkumi qayangnaittuq hingaiyaruvit. |
 |
Havautiturumi aangayaarnaqtunikluuniit avuhimangittuq imiqmut. Imiq havautinut havaktailidjutigiyaa hakugiktiqpiarutigiyaaluuniit, taimaa nakuungitumik pipkaidjutiniaqtuq. |
 |
Ulapqitilluni hulilukaariamiluuniit angunahuaqtutut, iqalukhiurumi aulllaarumiluuniit. |
 |
Munariyakhaq aaniqtailigiami aadlanut inuknut. |
 |
Inuugiami uuminnga Ihumamitigut aaniarutauyut ihumaalutigiyauyut. Naunaittuq inuit ihumamitigut aaniaqaqtut imiraangamik akhuraaluk qayangnarniaqtuq inminiirutigiluni. |
 |
Inuugiami timimitigut ayurhautilgit ingattaqtitpagaa imiraangat, uumallukluni, aukmut tigliqtaqtitpialiqlugu, hepatitis-qaliqluni aadlanikluuniit tinguminut aaniarutiqaliqluni. |
 |
Inuuyuq imiqmik taimaarumahuiqtuq imiinaliqluniluuniit. |
 |
Piliuqluni akhuurutauyunik ihumaliurutinik. |